މިދިޔަ ހޮނިހިރު ދުވަހުގެ ރޭ އައްޑޫ އެމްޑީޕީގެ ސަޕޯޓަރުންތަކެއް ސ. ފޭދު އާއި މަރަދޫފޭދޫ ގުޅޭ ކޯޒްވޭ ބަންދުކޮށްގެން ކުރި އިހުތިޖާޖުގައި ފުލުހުންގެ ވާޖިބަށް ހުރަސް އަޅައިގެން ހައްޔަރު ކުރި ހަތަރު މީހުންގެ މައްސަލަ މާދަމާ ޕްރޮސެކިއުޓާ ޖެނެރަލް (ޕީޖީ) އޮފީހަށް ފޮނުވާނެ ކަމަށް ފުލުހުން ބުނެފި އެވެ.
ފުލުހުންގެ ދެކުނު ޑިވިޝަންގެ ކޮމާންޑަރު ޗީފް އިންސްޕެކްޓަރު އަހުމަދު ޝިފާން މިއަދު ވިދާޅުވީ އެ ހަތަރު މީހުންގެ މައްސަލަ ތަހުގީގުކޮށް ނިންމައި ދައުވާ ކުރަން މާދަމާ ޕީޖީ އަށް ފޮނުވަން ތައްޔާރުވެފައިވާ ކަމަށެވެ.
އޭނާ ވިދާޅުވީ އެ ހަތަރު މީހުންގެ ތެރެއިން ތިން މީހެއްގެ ބަންދުގެ މުއްދަތު ހަތް ދުވަހަށް އަދި އަނެއް މީހާގެ ބަންދުގެ މުއްދަތު ތިން ދުވަހަށް ކޯޓުން އިތުރުކޮށް ދީފައިވާ ކަމަށެވެ.
އެ ރޭ ކުރި އިހުތިޖާޖުގައި ފުލުހުންނާ ދިމާއަށް ގަލާއި ފުޅި ފަދަ ތަކެތި އުކައި، ފުލުހުންނާ ކުރިމަތިލާފައިވެ އެވެ.
މި މައްސަލާގައި އެ ރޭ ހައްޔަރު އިތުރު ދެ މީހަކު ފުލުހުން ފަހުން ވަނީ ދޫކޮށްލައިފަ އެވެ.