ދައުލަތުގެ ލިޔެކިއުންތަކުގައި ރެވެނިއު ސްޓޭމްޕް ޖެހުން ހުއްޓާލުމަށް ގާނޫނު އުވާލުމަށް ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅައިފިއެވެ.
ސަރުކާރުގެ ފަރާތުން މެދުހެންވޭރު ދާއިރާގެ އަލީ އާޒިމް ހުށަހެޅުއްވި ޤާނޫނު ނަންބަރު 4/70ޖ. "އެކިއެކި ލިޔުންތަކު ގައި ރެވެނިޔު ސްޓޭމްޕް ޖެހުމުގެ ޤާނޫނު) އުވާލުމުގެ ބިލްގެ އިބްތިދާއީ ބަހުސް މިއަދު ވަނީ ފަށާފައެވެ. މި ބިލް އުވާލުމަށް ސަރުކާރަށް ނިސްބަތްވ ގިނަ މެމްބަރުން ވަނީ ތާއިދުކޮށްފައެވެ.
މިއަދުގެ ބަހުސްގައި ވާހަކަ ދައްކަވަމުން އަލީ އާޒިމް ވިދާޅުވީ މި ބިލަކީ 1970 ވަނަ އަހަރު ފާސްކޮށް އަމަލު ކުރަމުން އަންނަ ގާނޫނެއް ކަމަށެވެ. އަދި މިއީ މިއަދު އަމަލު ކުރަން ޖެހޭ ފަދަ ގާނޫނެއް ނޫންކަމަށެވެ. އާޒިމް ވިދާޅުވީ މި ގާނޫނުގެ އެންމެ ބޮޑު ބޭނުމަކީ ދައުލަތަށް ކޮންމެވެސް ސިފައެއްގައި އާމްދަނީ ހޯދުމަށް ހެދި ގާނޫނެއް ކަމަށެވެ.
ނަމަވެސް އެމްޑީޕީ ސަރުކާރުން 2008 ވަނަ އަހަރު ރާއްޖެއަށް ޓެކްސް ނިޒާމު ތައާރަފު ކުރުމާއި އެކު މި ގާނޫނުގެ ހަގީގީ ބޭނުމެއް ނެތް ކަމަށެވެ. އަދި މިއީ އޭރުއްސުރެ އުވާލަން ޖެހޭ، އަދި އުވާލުން ލަސްވެފައިވާ ގާނޫނެއް ކަމަށެވެ.
ބަހުސްގައި ބައިވެރިވި ދިއްގަރު ދާއިރާގެ މެމްބަރު ހަސަން އިކުރާމް ވިދާޅުވީ ރެވެނިއު ސްޓޭމް ޖެހުން ހުއްޓާލުމުން ދައުލަތަށް މާބޮޑު ގެއްލުމެއް ނުވެއެވެ. އަދި މިއަދު ޓެކްސް ނިޒާމް އިތް ގޮތުން ދައުލަތަށް އާމްދަނީ ލިބެމުން އަންނަ ކަމަށެވެ.