މިހާރު ނޫހުގެ އެޑިޓަރުގެ މަގާމުގައި ހުންނެވި މޫސާ ލަޠީފު އެނޫހުން މިއަދު އިސްތިއުފާ ދެއްވައިފިއެވެ.
މޫސާ އިސްތިއުފާ ދެއްވި ވަކި ސަބަބެެއް ހާމަކޮށްފައި ނުވެއެވެ. ނަމަވެސް ބައެއް މީޑިއާ ތަކުން ރިޕޯޓުކޮށްފައިވާ ގޮތުގައި މޫސަ "މިހާރު" ނޫހުން އިސްތިއުފާ ދެއްވީ އަމިއްލަ ނޫހެއް ހެއްދެވުމަށެވެ.
ހަވީރު ނޫސް ކޯޓު އަމުރެއްގެ ދަށުން ހުއްޓާލުމާއި ގުޅިގެން ހަވީރުގެ ނޫސްވެރިން ގޮވައިގެން 'މިހާރު" ނޫސް އުފައްދަވައި ނޫހުގެ އެޑިޓަރުކަން ކުރައްވަމުން އައީ މޫސައެވެ.
1989 ވަނަ އަހަރު ނޫސްވެރިކަމަށް ވެންނެވި މޫސަ ވަނީ ނޫސްވެރިކަމުގެ ދާއިރާއިން ގިނަ ކާމިޔާބީތަކެއް ހޯއްދަވާފައެވެ. އެގޮތުން ނޫސްވެރިކަމުގެ "ރިހިގަލަން"، "އަލިމަސް ގަލަން" އަދި ހަބަރާއި މައުލޫމާތު ފެތުރުމުގެ ދާއިރާއިން ނޫސްވެރިކަމުގެ ރޮނގުން 2001 ވަނަ އަހަރު މޫސައަށް ވަނީ ހިތްވަރު ދިނުމުގެ އިނާމު ލިބިވަޑައިގެންފައެވެ.
މޫސަ މިހާރުން އިސްތިއުފާ ދެއްވި އިރު ދާދި ފަހުން މިހާރު ނޫހުގެ ގިނަ އަދަދެއްގެ ނޫސްވެރިންތަކެއް ވަނީ އެނޫހުން ވަކިވެ އާ ނޫހަކާއި ގުޅިފައެވެ.