އިލެކްޝަންސް ކޮމިޝަން (އީސީ)ގެ އޮފިޝަލުންނަށް ވެލާވަރު ރިސޯޓަށް އެރުމުގެ ހުއްދަ ނުދިން ކަމަށް އެ ކޮމިޝަންގެ ރައީސް އަހުމަދު ޝަރީފް ވިދާޅުވެއްޖެއެވެ.
ޝަރީފް ކުރެއްވި ޓްވީޓެއްގައި ވިދާޅުވެފައިވަނީ ރިސޯޓަށް އެރުމުގެ ހުއްދަ ނުދިނުމުން އީސީގެ އޮފިޝަލުން ކައިރި ރަށަކަށް ފޮނުވާފައިވާ ކަމަށެވެ.
އެ ރިސޯޓްގައި ވޯޓްލުމަށް ރަޖިސްޓްރީ ކޮށްފައިވާ 61 މީހުންނަށް ވޯޓު ލެވޭނެ ގޮތެއް ހޯދުމުގެ މަސައްކަތް ކުރަމުން އަންނަ ކަމަށް ވެސް ޝަރީފް ވިދާޅުވިއެވެ.
Angsana velaavaru ah EC ge officials erumuge huhdha nudheegen officials kairi rashakah fonuvaa, e resort ga vote lumah reg kohfavaa 61 faraathah vote leveyne gotheh hoadhumuge masaikai kuramun midhanee @AVelavaru @MoTmv @HPA_MV @AngsanaHotels
— Ahmed Shareef (@ShareefRangondi) April 8, 2021
ހޮނިހިރު ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބަށް އޮފިޝަލުން ރިސޯޓްތަކަށް ފޮނުވުމުގެ މަސައްކަތް އީސީން ފަށާފައިވަނީ މިއަދުއެވެ. ވެލާވަރު ރިސޯޓަށް އީސީގެ އޮފިޝަލުން އެރުވުމަށް ދެކޮޅު ހެދި ސަބަބެއް ސާފެއް ނުވެއެވެ.