އަކްޝޭ ކުމާރާއި ޝްރަދާ ކަޕޫރު ލީޑް ރޯލް ކުޅޭ "ގައްބަރު" ގެ ހާއްސަ ލަވައެއް ކުޅެން ކަރީނާ ކަޕޫރު އެއްބަސްވެއްޖެ އެވެ.
މި ފިލްމަކީ ސަންޖޭ ލީލާ ބަންސާލީ ޕްރޮޑިއުސް ކުރާ ފިލްމެކެވެ. ރާދަކްރިޝްނާ ޖަގަރުލަމުންޑީ ޑައިރެކްޓް ކުރާ "ގައްބަރު" އަކީ 2002 ވަނަ އަހަރު ރިލީޒް ކުރި ތަމަޅަ ފިލްމް "ރަމައްނާ" ގެ ރިމެކިންއެކެވެ.
"ގައްބަރު" ގެ ޝޫޓިން ފެށުމަށް ހަމަޖެހިފައި ވަނީ ޖެނުއަރީ މަހުގެ 5 ވަނަ ދުވަހު އެވެ. ފިލްމްގެ ބޮޑު ބައި ޝޫޓް ކުރަން ހަމަޖެހިފައި ވަނީ މުމްބާއީގަ އެވެ.
މިއީ މިދިޔަ އަހަރު ބަންސާލީ ޕްރޮޑިއުސްކޮށް، ޕްރަބޫދޭވާ ޑައިރެކްޓް ކުރި "ރައުޑީ ރާތޯޑް" އަށް ފަހު، ބަންސާލީގެ ފިލްމެއްގައި އަކްޝޭ ކުމާރު މަސައްކަތް ކުރާ ފުރަތަމަ ފަހަރެވެ.
އެ ފިލްމުގެ ލަވައެއްގައި ވެސް ކަރީނާ ވަނީ ހަރަކާތްތެރިވެފަ އެވެ. "ދަބަންގް 2" ގެ އައިޓަމް ލަވައެެއް ވެސް ކަރީނާ ވަނީ ކުޅެފަ އެވެ.
"ގައްބަރު" އަކީ "އާޝިގީ 2" އިން ވިދާލި ޒުވާން ބަތަލާ ޝްރަދާ އާ އެކު އަކްޝޭ ކުޅޭ ފުރަތަމަ ފިލްމް ވެސް މެ އެވެ.