އަންނަ މަހުގެ 15 ވަނަ ދުވަހު ރިލީޒް ކުރަން ހަމަޖެހިފައިވާ ސަންޖޭ ލީލާ ބަންސާލީގެ "ރާމް ލީލާ" ގައި ހިމެނޭ ޕްރިޔަންކާ ޗޯޕްޅާގެ އައިޓަމް ލަވަ އާންމުކޮށްފި އެވެ.
"ރާމް ޗާހޭ ލީލާ" ގެ ނަމުގައި ގެނެސް ދީފައިވާ މި އައިޓަމް ލަވަ ކިޔާފައި ވަނީ ބޫނީ ތުރިވެދީ އެވެ. މިއުޒިކް ތައްޔާރުކޮށްފައި ވަނީ ޑައިރެކްޓަރު ބަންސާލީ އެވެ.
އަދި ލަވައިގެ ލިރިކްސް ތައްޔާރު ކުރީ ސިދާތު/ގަރީމާ އެވެ.
މި ޒަމާނުގެ "ރޯމިއޯ އެންޑް ޖޫލިއަޓް" ގެ ގޮތުގައި ގެނެސްދޭ "ރާމް ލީލާ" ލީޑް ރޯލް ކުޅެފައި ވަނީ ދީޕިކާ ޕަދްކޯން އާއި ރަންވީރު ސިންގެވެ.