ސ. ހިތަދޫގައި އިމާރާތް ކުރަން ހަމަޖެހިފައިވާ 100 އެނދުގެ ހޮސްޕިޓަލްގެ ޑިޒައިންކޮށް، ކޮންސަލްޓެންސީ ދޭނެ ފަރާތެއް ހޯދަން ބައިނަލްއަގްވާމީ ބީލަމަަށް ހުޅުވާލުމުން ހަތަރު ފަރާތަކުން ކުރިމަތިލާފައިވާ ކަމަށް ހެލްތު މިނިސްޓްރީން ބުނެފި އެވެ.
އެހެން ނަމަވެސް އެކަމަށް ކުރިމަތިލީ ކޮންކޮން ކުންފުނިތަކެެއް ކަމަށް މިނިސްޓްރީން ހާމައެއް ނުކުރެ އެވެ.
ހެލްތު މިނިސްޓްރީން ބުނީ ކުރިމަތިލި ފަރާތްތަކުގެ ބިޑްތައް އިވެލުއޭޓް ކުރުމަށް ފަހު، ވަރަށް އަވަހަށް އެކަށީގެންވާ ފަރާތަކާ ހަވާލު ކުރާނެ ކަމަށެވެ.
ހިތަދޫގައި އިމާރާތް ކުރުމަށް ހަމަޖެހިފައިވާ 100 އެނދުގެ ހޮސްޕިޓަލް އިމާރާތް ކުރަނީ ސައުދީ ފަންޑު ފޮ ޑިވޮލަޕްމަންޓް އޯޕެކް ފަންޑް ފޮ އިންޓަނޭޝަނަލް ޑިވޮލަޕްމަންޓް (އޯޕިޑް) ގެ ލޯންގެ އެހީގެ ދަށުންނެވެ.
އޯފިޑް އިން 129 މިލިއަން ރުފިޔާގެ ލޯނަކާއި ސައުދީ ސަރުކާރުން 12.5 މިލިއަން ޑޮލަރު (ގާތްގަނޑަކަށް 192.7 މިލިއަން ރުފިޔާ) ގެ ލޯނެއް ހޮސްޕިޓަލް އިމާރާތް ކުރުމަށް ލިބިފައިވާ ކަމަށް ހެލްތު މިނިސްޓްރީން ކުރިން ބުނެފައިވެ އެވެ.
ހިތަދޫގައި 100 އެނދުގެ ހޮސްޕިޓަލެއް އަޅާ ވާހަކަ ދައްކަނީ 2005 ވަނަ އަހަރުން ފެށިގެންނެވެ.