މިއަދު ކުރިއަށްދާ ލޯކަލް ކައުންސިލް އިންތިހާބުގައި މިހާތަނަށް ލައްކައަކަށް ވުރެ ގިނަ މީހުން ވޯޓުލައިފިއެވެ.
ކޮވިޑު-19 އާއި ގުޅިގެން ރައްކާތެރިކަމުގެ ގިނަ ފިޔަވަޅު ތަކާއި އެކު ކުރިއަށްދާ މި އިންތިހާބުގައި ހެނދުނު ގިނަ ވޯޓުލާ މަރުކަޒުތައް ހުރީ ފަޅަށެވެ. ނަމަވެސް މެންދުރު ވަމުން ދިޔައިރު ބައެއް ވޯޓުލާ މަރުކަޒުތަކުގައި ކިއު ހެދެމުން ދިޔަތަން ފެނުނެވެ.
Voting status@1350 hrs pic.twitter.com/hPp71GMr6y
— Ahmed Shareef (@ShareefRangondi) April 10, 2021
އިލެކްޝަން ކަމިޝަންގެ ރައީސް އަހުމަދު ޝަރީފު ވޯޓާއި ގުޅޭ ގޮތުން އާއްމުކުރި ހިސާބުތަކުން ދައްކާ ގޮތުގައި މެންދުުރު 13:50 ހަމައަށް 100829 މީހުން ވަނީ ވޯޓުލާފައެވެ. އެއީ 53689 ފިރިހެނުންނާއި 47140 އަންހެނުންނެވެ.
މި އިންތިހާބުގައި ވޯޓު ދިނުމުގެ ހައްގު ލިބިގެންްވާ 273،128 މީހުން އެބަތިބިއެވެ.
އިލެކްޝަނުން ވަނީ މިއަދު ހަވީރު 5 ޖެހުމާއި ހަމައަށް ވޯޓު ލުމަށް ހަމަޖައްސާފައެވެ. އަދި ހަވީރު 5 އިން 6 ޖެހުމާއި ހަމައަށް ކޮވިޑު-19 ޕޮޒިޓިވްވެފައިވާ މީހުންނަށް ވޯޓު ލެވޭނެ އިންތިޒާމް ވަނީ ހަމަޖައްސާފައެވެ.
ލޯކަލް ކައުންސިލް އިންތިހާބަށް ވާދަކުރާ ކެންޑިޑޭޓުން
އެމްޑީޕީ – 826 ކެންޑިޑޭޓުން
ޕީޕީއެމް – 647 ކެންޑިޑޭޓުން
ޖުމްހޫރީ ޕާޓީ – 115 ކެންޑިޑޭޓުން
އަދާލަތު ޕާޓީ – 28 ކެންޑިޑޭޓުން
އެމްޑީއޭ – 20 ކެންޑިޑޭޓުން
އެމްއާރްއެމް – 15 ކެންޑިޑޭޓުން
އެމްއެލްއެސްޑީޕީ – 4 ކެންޑިޑޭޓުން
ޑީއާރުޕީ – 1 ކެންޑިޑޭޓް
އަމިއްލަ ގޮތުން – 609 ކެންޑިޑޭޓުން
އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ އިންތިހާބު
އެމްޑީޕީ – 650 ކެންޑިޑޭޓުން
ޕީޕީއެމް – 499 ކެންޑިޑޭޓުން
ޖުމްހޫރީ ޕާޓީ – 46 ކެންޑިޑޭޓުން
އަދާލަތު ޕާޓީ – 25 ކެންޑިޑޭޓުން
އެމްޑީއޭ – 19 ކެންޑިޑޭޓުން
އެމްއާރްއެމް – 4 ކެންޑިޑޭޓުން
އަމިއްލަ ގޮތުން – 427 ކެންޑިޑޭޓުން