ބިމުގެ މައްސަލައެއްގައި އައްޑޫ ތިން ކައުންސިލަރުންގެ މައްޗަށް ދައުވާކޮށް، މައްސަލައިގެ ޝަރީއަތް ސ. ހިތަދޫ މެޖިސްޓްރޭޓް ކޯޓުން ތާވަލްކޮށްފި އެވެ.
ހިތަދޫ ޕިންޕޮންގޭ ނަސީރާ އަހުމަދު ބިމުގެ މައްސަލައެއްގައި ދައުވާ ކުރަނީ މޭޔަރު އަބްދުﷲ ސޯދިގާއި، ހިތަދޫ ދެކުނު ދާއިރާގެ ކައުންސިަރު ހުސައިން ފަހުމީ އާއި ހިތަދޫ މެދު ދާއިރާ ކައުންސިލަރު ހުސައިން ހިލްމީގެ މައްޗަށެވެ.
އެ ތިން ބޭފުޅުންގެ ތެރެއިން މޭޔަރާ އިއްޔެ ވަނީ ކޯޓަށް ވަޑައިގަތުމަށް ޗިޓް ހަވާލުކޮށްފަ އެެވެ. އެއީ މިއަދު ހެނދުނު 9:30 އަށެވެ.
އެކަމަކު މޭޔަރު ކޯޓަށް ހާޒިރު ނުވުމުން 75ރ. އިން ވަނީ ޖޫރިމަނާކޮށްފަ އެވެ.
ފަހުމީ އާއި ހިލްމީ އާ ޗިޓް ހަވާލު ކުރެވޭ ގޮތެއް ނުވި އެވެ. އެހެންވެ އަލުން ޗިޓް ހަވާލުކޮށް މި މަހުގެ 28 އަށް މައްސަލައިގެ ޝަރީއަތް ވަނީ ތާވަލްކޮށްފަ އެވެ.