ސ. ހިތަދޫ މެޖިސްޓްރޭޓް ކޯޓްގައި ހިނގާ މައްސަލައަކާ ގުޅިގެން މިދިޔަ އޮގަސްޓް މަހުގެ ތެރޭގައި އައްޑޫ ސިޓީ ކައުންސިލްގެ ލީގަލް އޮފިސަރު ހުސައިން ހަބީބު ކޯޓަށް ހާޒިރުނުވުމުން 75ރ. ޖޫރިމަނާކޮށްފައި ވަނިކޮށް އަނެއްކާ މަރަދޫގައި ކޯޓްގައި ހިނގާ މައްސަލައެއްގައި އޭނާ ކޯޓަށް ހާޒިރު ނުވުމުން އަނެއްކާ ޖޫރިމަނާކޮށްފި އެވެ.
މި ފަހަރު ވެސް އޭނާ ޖޫރިމަނާ ކުރީ 75ރ. އިންނެވެ.
މަރަދޫ މެޖިސްޓްރޭޓް ކޯޓްގެ އޮފިޝަލަކު މިރޭ ވިދާޅުވީ މަރަދޫ ނައިސްވޭ ހޮލްޑިންގެ ފަރާތުން އައްްޑޫ ސިޓީ ކައުންސިލްގެ މައްޗަށް ކުރާ ދައުވާއެއްގައި، މިއަދު ހެނދުނު 10:00 އަށް ތާވަލް ކުރި ޝަރީއަތަކަށް ހާޒިރުވުމަށް ހަބީބު އަށް ޗިޓް ހަވާލު ކުރަން އަންގާރަ ދުވަހު ދިއުމުން، ޗިޓާ ހަވާލުވާން އިންކާރުކޮށް، ހާޒިރު ނުވާނެ ކަމަށް ބުނެފައިވާ ކަމަށެވެ.
އެހެންވެ އޭނާ ޖޫރިމަނާ ކުރީ ކަމަށް ކޯޓުން ބުންޏެވެ.
އަންނަ އާދީއްތަ ދުވަހަށް މި މައްސަލައިގެ އިތުރުން މަރަދޫފޭދޫ މެޖިސްޓްރޭޓް ކޯޓްގައި ހިނގާ މައްސަލައަކާ ގުޅިގެން ވެސް ހަބީރު ކޯޓަށް ހާޒިވާން ޖެހެ އެވެ.
އޮފިޝަލް ވިދާޅުވީ ކައުންސިލްގެ ލީގަލް އޮފިސަރު ތަކުރާރުކޮށް ކޯޓަށް ހާޒިރު ނުވާ މައްސަލަ ދިމާވާތީ، ދެން އެކަމާ ގުޅޭ ގޮތުން އަޅަން ޖެހޭ އިތުރު ފިޔަވަޅުތައް އަޅާނެ ކަމަށެވެ.