ކުދި އަދި މެދު ފަންތީގެ ވިޔަފާރި ކުރިއެރުވުމަށް އެފަދަ ވިޔަފާރި ކުރާ ފަރާތްތަކަށް އަމާޒުކޮށްގެން އައްޑޫގައި ހަދާ ޕެކެޖިން ހައުސް ހިންގާނެ ފަރާތެއް ހޯދަން ހުޅުވާލުމުން އެކަމަށް އެއްވެސް ފަރާތަކުން ކުރިމަތި ނުލާ ކަމަށް އިކޮނޮމިކް މިނިސްޓްރީން ބުނެފި އެވެ.
ޕެކެޖިން ހައުސްއަކީ އެކިއެކި ބާވަތްތައް އުފައްދައި ބަންދުކޮށް، ލޭބަލްކޮށް މާކެޓް ކުރުމަށް ހިންގަން ހަމަޖެހިފައިވާ ތަނެކެވެ. މިތަނަކީ ކުދި އަދި މެދު ފަންތީގެ ވިޔަފާރި ތަރައްގީކޮށް ކުރިއަރުވަން އިކޮނޮމިކް މިނިސްޓްރީގެ ދަށުން ހިންގާ ބިޒްނަސް ޑިވިލޮޕްމަންޓް ސާވިސް ސެންޓަރު (ބީޑީއެސްސީ) ގެ ދަށުން ހިންގަން ހަމަޖެހިފައިވާ ތަނެކެވެ.
އައްޑޫގައި ގާއިމު ކުރާ ޕެކެޖިން ހައުސް ގާއިމު ކުރަނީ ފޭދޫ ރަށު އޮފީސް ކުރި ހިންގި އިމާރާތް ހުރި ގޯތީގައި ހަދާ ތަނެއްގަ އެވެ. އެތަން މިހާރު ވަނީ ނިމުމަކާ ހަމައަށް އައިސްފަ އެވެ.
ޕެކެޖިން ހައުސް ހިންގަން އަމިއްލަ ފަރާތަކާ ހިންގަން ހަވާލު ކުރަނީ ފަސް އަހަރުގެ މުއްދަތަކަށް ކަމަށް ބީޑީއެސްސީން ބުންޏެވެ.