ސާޖިދު އަލީގެ ފުރަތަމަ ޑައިރެކްޝަންގެ ގޮތުގައި ގެނެސްދޭ ފިލްމް "ބަނާނާ" ވަރަށް ސަޅި ވާނެ ކަމަށާއި އެ ފިލްމަކީ ވެސް ބެލުންތެރިން ހައިރާންކޮށްލާ ފިލްމެއް ކަމަށް ޖޯން އަބްރަހަމް ބުނެފި އެވެ.
"ބަނާނާ" އަކީ ޖޯން ފުރަތަމަ ބޮޑު ކާމިޔާބީއެއް ހޯދި "ވިކީ ޑޯނާ" އާއި އޭގެ ފަހުން އޭނާ ޕްރޮޑިއުސްކޮށް، އެކްޓް ކުރި "މެޑްރާސް ކެފޭ" އަށް ގެނެސްދޭ ތިން ވަނަ ފިލްމެވެ.
"ބަނާނާ" ގެ ޑައިރެކްޓަރު ސާޖިދަކީ "ޖަބް ވީ މެޓް"، "ލަވް އާޖްކަލް" އަދި "ރޮކްސްޓާ" ފަދަ ބްލޮކްބަސްޓާތައް ގެނެސްދީފައިވާ އިމްތިއާޒް އަލީގެ ކޮއްކޮ އެވެ.
"ވިކީ ޑޯނާއެކޭ އެއްގޮތަށް ބަނާނާގެ ކޮންސެޕްޓް ވެސް ވަަރަށް ތަފާތު ވާނެ. އަދި މިއީ ބެލުންތެރިން ހައިރާކޮށްލާނެ ސަޅި ފިލްމަކަށް ވާނެ،" ޖޯން ބުންޏެވެ.
"ބަނާނާ" އިން ވެސް އާ ތަރިންތަކެއް ތައާރަފް ކުރަން ވަނީ ނިންމައިފަ އެވެ.
މި ފިލްްމް ބެލުންތެރިންނާ ހަަމައަށް އަންނާނީ އަހަރު އެވެ.