ކޮވިޑު-19 އަށް ފަރުވާ ދެމުން ދިޔަ އުމުރުން 82 އަހަރުގެ މީހަކު މިއަދު މަރުވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ދަރުމަވަންތަ ހޮސްޕިޓަލްގެ އައިސީޔޫގައި ފަރުވާ ދެމުން ދިޔަ ދިވެހި އަންހެނަކު މިއަދު ހެނދުނު 11:12 ގައި ނިޔާވެފައިވާ ކަމަށެވެ.
މިއީ މި ބަލީގައި ރާއްޖެއިން މަރުވި 68 ވަނަ މީހާއެވެ.
ކޮވިޑު-19ގެ ތަފާސް ހިސާބުތަކަށް ބަލާއިރު އިއްޔެ ވެސް ވަނީ 95 މީހަކު ކޮވިޑަށް ޕޮޒިޓިވްވެފައެވެ. ރާއްޖޭގައި މިހާރުވެސް ކޮވިޑު އެކްޓިވް 2629 ކޭސް ހުރިކަމަށް އެޗްޕީއޭއިން ބުނެއެވެ.