ސ. މީދޫ މީހެއްގެ މައްޗަށް ޓެރަރިޒަމްގެ ދައުވާކުރަން ކްރިމިނަލް ކޯޓަށް ފޮނުވައިފި އެވެ.
މީދޫ އިރާކް މުހައްމަދު ހާމިދުގެ މައްޗަށް ޓެރަރިޒަމްގެ ދައުވާކުރަން ކްރިމިނަލް ކޯޓަށް ފޮނުވާފައި ވަނީ މިދިޔަ މާޗް މަހުގެ ތެރޭގައި ބަޔަކަށް ބިރު ދައްކާފައިވާ ކަމަށް ތުހުމަތު ކުރެވޭތީ ޓެރަރިޒަމްގެ މަނާކުރުމުގެ ގާނޫނުގެ ދެ ވަނަ މާއްދާގެ ކ. އާއި ތިން ވަނަ މާއްދާ އާ ހަވާލާދީ އެ ގާނޫނުގެ ހަ ވަނަ މާއްދާގެ ށ. ގެ ދަށުންނެވެ.
މި މައްސަލާގައި މުހައްމަދު ހާމިދުގެ އިތުރަށް ހއ. ދިއްދޫ އޯޓަމްވާދީ އުބައިދުﷲ ސައީދާއި ގ. މޫންލައިޓްވިއު އަބްދުﷲ އުނައިސްގެ މައްޗަށް ވެސް ދައުވާ ކުރަން ވަނީ ކްރިމިނަލް ކޯޓަށް ފޮނުވައިފަ އެވެ.
މި މައްސަލަ ކްރިމިނަލް ކޯޓަށް ފޮނުވުމުން މި މައްސަލައިގެ އަޑު އެހުމެއް ބުރާސްފަތި ދުވަހު ބާއްވަން ތާވަލް ރި ނަމަވެސް ފަހު ވަގުތު އަޑުއެހުން ވަނީ ކެންސަލްކޮށްފަ އެވެ.