މީގެ ދުވަސްކޮޅެއް ކުރިން ބޮލީވުޑްގެ ބަތަލާ ޝިލްޕާ ޝެޓީގެ އެޕާޓްމަންޓަށް ވަގުން ވަދެ ވައްކަންކޮށްފައި ވަނިކޮށް، ބަތަލާ ކާޖޮލްގެ ގެއިން ވެސް މިދިޔަ ހަފުތާގެ ތެރޭގައި ވައްކަންކޮށްފި އެވެ.
މުމްބާއީގެ ޖުހޫ ސަރަހައްދުގައި ކާޖޮލް އުޅޭ ގެއަށް ވަގުން ވަދެފައި ވަނީ މި މަހުގެ 22 ވަނަ ދުވަހު ކަމަށް ފުލުހުން ބުންޏެވެ. އެ ގެއިން ވަގަށް ނަގާފައި ވަނީ އަތުގައި އަޅާ އަގު ބޮޑު، ރަނުގެ 17 އުޅާ ކަމަށް ފުލުހުން ބުންޏެވެ.
އެކްޓަރު އަޖޭ ދޭވްގަން އާ ކައިވެނިކޮށް ދެ ދަރިން ވެސް ލިބިފައިވާ ކާޖޮލްގެ އާއިލާ އިން މި މައްސަލަ ފުލުހުންނަށް ރިޕޯޓް ކުރުމުގެ ކުރިން، ފުލުހުންނަށް މިކަމާ ބެހޭ މައުލޫމާތު ލިބިގެން މައްސަލަ ތަހުގީގު ކުރަން ވަނީ ފަށައިފަ އެވެ.
ފަހަކަށް އައިސް ބޮލީވުޑްގެ ތަރިންގެ ތަންތަނުން ވައްކަން ކުރުން ވަނީ ވަނީ ވަރަށް ބޮޑަށް އާންމުވެފަ އެވެ.
އެކްޓަރު އަބޭ ޑިއޯލްގެ ކާރު ވެސް ދާދި ފަހުން ވަނީ ވަގަށް ނަގައިފަ އެވެ.