ކްރިމިނަލް ކޯޓުގައި ހިނގަމުންދާ މައްސަލައެއްގައި އެ ކޯޓަށް ހާޒިރު ކުރަން ބޭނުންވެ ހާޒިރުކުރެވިފައި ނުވާ ސ. ފޭދޫ މީހަކު ބަންދުގައި ބަހައްޓައިގެން ކޯޓަށް ހާޒިރުކޮށް ދިނުމަށް ފުލުހުންގެ މައްޗަށް ކޯޓުން އަމުރު ކުރުމާ ގުޅިގެން އޭނާ ހޯދުމުގެ މަސައްކަތް ފުލުހުން ފަށައިފި އެެވެ.
ފުލުހުން ހޯދަމުން ދަނީ ފޭދޫ ދުންބުރުވާގެ، އިބްރާހީމް ލަޠީފް (ލަޓިއާ)، 41، އެވެ.
ލަޓިއާއަކީ މާދަމާ ކްރިމިނަލް ކޯޓުގައި އޮންނަ ޝަރީޢަތުގެ މަޖިލީހަށް ޙާޒިރު ކުރުމަށް ކޯޓުން ނެރެފައިވާ އަމުރުގެ ދަށުން ހޯދަމުންދާ މީހެކެވެ.
ލަޓިއާގެ މައްޗަށް އުފުލާފައިވާ ދައުވާއަކީ އޮޅުވާލައިގެން މަކަރާއި ހީލަތުން މީހުންގެ ކޭޝް ކާޑުން ގިނަ އަދަދެއްގެ ފައިސާ ނެގި މައްސަލަ އެވެ.
އެހެންވެ އޭނާ އާ ބެހޭ އެއްވެސް މަޢުލޫމާތެއް ލިބިފައިވާ ނަމަ އެ މަޢުލޫމާތެއް މޯލްޑިވްސް ޕޮލިސް ސަވިސްގެ ހޮޓްލައިން ނަމްބަރު 3322111 އަށް ނުވަތަ ޕޮލިސް ކަސްޓޯޑިއަލް ޑިޕާޓްމަންޓްގެ ނަމްބަރު 9991442 އަށް ގުޅުއްވައި ހިއްސާ ކުރަން ފުލުހުން ވަނީ އެދިފަ އެވެ. އެދެމެވެ.
ރާއްޖޭގެ ރަށަކުން ނަމަ އެ ރަށެއްގެ ޕޮލިސް ސްޓޭޝަނަކަށް އަދި ޕޮލިސް ސްޓޭޝަން ނެތް ރަށެއް ނަމަ އެ ރަށެއްގެ ކައުންސިލް އިދާރާ މެދުވެރިކޮށް ފުލުހުންނަށް އެންގެވުމަށް ވެސް ފުލުހުން އެދެ އެވެ.