އެމްޑީޕީ އައްޑޫ ސެކްރެޓަރީ ޖެނެރަލް އިބްރާހީމް ސޮބްރީގެ މައްޗަށް އިއްވާފައިވާ އެއް މަސް ދުވަހުގެ ޖަލު ހުކުމް އޭނާ ތަންފީޒު ކުރުމާ ގުޅިގެން، އިއްޔެ މިނިވަންކޮށް ދޫކޮށްލައިފި އެވެ.
އެމްޑީޕީގެ އައްޑޫ ސެކްރެޓަރީ ޖެނެރަލްގެ އިތުރުން، ހިތަދޫ މެދު ދާއިރާގެ ރައީސްކަމާއި އެ ދާއިރާގެ ކެމްޕޭން މެނޭޖަރުގެ މަގާމު ވެސް އަދާ ކުރައްވަމުން ގެންދެވި ސޮބްރީ ފުލުހުން ހައްޔަރު ކުރީ މިދިޔަ މަހުގެ 25 ވަނަ ދުވަހު އެވެ.
އޭނާ ޖަލު ހުކުމް ތަންފީޒު ކުރަން އައްޑޫން މާލެ ފުރުވާލީ ސެޕްޓެމްބަރު މަހުގެ 28 ވަނަ ދުވަހުގެ ރެ އެވެ.
ސޮބްރީގެ މައްޗަށް މަސް ދުވަހުގެ ޖަލު ހުކުމެއް އިއްވާފައި ވަނީ ނޮވެމްބަރު 6، 2006 ގައި "ނަމޫނާ" ދޯނީގައި މާލެ ދާން ފުރާފައިވާތީ، އެއީ ސަރުކާރާ ދެކޮޅަށް ހިންގި ޓެރަރިޒަމްގެ އަމަލެއް ކަމަށް ދައުވާކޮށްފަ އެވެ.
މި މައްސަލާގައި ސޮބްރީގެ އިތުރުން އިތުރު އަށް މީހެއްގެ މައްޗަށް ވެސް ދައުވާކޮށް ހުކުމްކޮށްފައިވެ އެވެ.
އެހެން ނަމަވެސް ސޮބްރީ ފިޔަވައި އެހެން އެއްވެސް މީހެއްގެ މައްޗަށް ހުކުމް ތަންފީޒުކޮށްފައެއް ނުވެ އެވެ.
އެހެންވެ އެމްޑީޕީން ބުނެފައި ވަނީ ސޮބްރީގެ ހައްޔަރުކޮށް، އޭނާގެ މަައްޗަށް ހުކުމް ތަންފީޒު ކުރީ ސިޔާސީ މަގުސަދެއްގައި ކަމަށެވެ.