އައްޑޫގައި މަސައްކަތްކުރާ ފުލުހުންނަށް އަމާޒްކޮށްގެން ދީނީ ދަރުސްއެއް ބާއްވައިފި އެވެ.
މި މަހުގެ 28 ވަނަ ދުވަހުގެ ރޭ ނޫރުލް އިސްލާމް ޖަމްޢިއްޔާ އާއި ފުލުހުން ގުޅިގެން ކުރިއަށް ގެންދިޔަ މި ދަރުސްގައި މަޢުލޫމާތު ދެއްވާފައިވަނީ ނޫރުލް އިސްލާމް ޖަމްޢިއްޔާގެ ރައީސް އައްޝަޙް މުޙައްމަދު އަނީލް އެވެ.
ދަރުސްގައި މަޢުލޫމާތު ދީފައި ވަނީ ހެޔޮކަންތަކަށް ޢަމަލު ކުރުމާ ބެހޭ ގޮތުންނެވެ.
މި ދަރުސްގައި ސައުތު ޕޮލިސް ޑިވިޝަންގެ ކޮމާންޑަރު ޗީފް އިންސްޕެކްޓަރު އަޙްމަދު ޝިފާން އާއި އައްޑޫ ސިޓީ ޕޮލިސް ސްޓޭޝަނުގައި މަސައްކަތްކުރާ ފުލުހުންނާއި އައްޑޫގައި ފުލުހުން ކުރިއަށްގެންދާ "އަފިރިންގެ އަމާން އައްޑޫ ސިޓީ" އޮޕަރޭޝަނުގައި މަސައްކަތް ކުރާ ސްޕެޝަލިސްޓް އޮޕަރޭޝަންސް (އެސްއޯ) ފުލުހުން ބައިވެރިވެފައިވެ އެވެ.