ސ. ހުޅުމީދޫގައި އިމާރާތް ކުރަމުން އަންނަ ޕޮލިސް ސްޓޭޝަންގެ މަަސައްކަތް ވަރަށް ބާރަށް ކުރިއަަށްދާ ކަމަށާއި މާ ލަސްތަކެއް ނުވެ އެ ޕްރޮޖެކްޓްގެ މަސައްކަތް ނިމޭނެ ކަމަށް ކޮންޓްރެކްޓަރު ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑް (އާރްސީއެންސީ) އިން ބުނެފި އެވެ.
އެ އިމާރާތުގެ ބިންގާ އެޅީ ޖޫން މަހުގެ 8 ވަނަ ދުވަހު އެވެ.
އާރްސީއެންސީން ބުނީ އެ އިމާރާތުގެ ފުރަތަމަ ބުރީގެ ޝީޓް ވެސް އަޅައި، ބޮޑު ބައެއްގެ މަސައްކަތް މިހާރު ނިމިފައިވާ ކަމަށެވެ. މި މަސައްކަތް އެއްކޮށް 270 ދުވަހުގެ ތެރޭގައި ނިންމަން ޖެހެ އެވެ.
އާރްސީއެންޑްސީ އާ މި ޕްރޮޖެކްޓް ހަވާލުކޮށްފައި ވަނީ 12.3 މިލިއަން ރުފިޔާ އަށެވެ.
ޒަމާނީ ފެންވަރަށް ފަރުމާ ކުރެވިފައިވާ ޕޮލިސް ސްޓޭޝަނާއި އެކަމޮޑޭޝަން ބްލޮކް ފަރުމާކޮށްފައި ވަނީ މޯލްޑިވްސް ޕޮލިސް ސާވިސްގެ ފައިނޭންސް ޑިޕާޓްމަންޓްގެ އިންފްރާސްޓްރަކްޗަ ޔުުނިޓްގެ ފަންނުވެރި ފަރުމާ ކުރުންތެރިންނެވެ.
ހުޅުމީދޫ ޕޮލިސް ސްޓޭޝަން މިހާރު ހިންގަނީ ކުއްޔަށް ހިފާފައިވާ އިމާރާތެއްގަ އެވެ.