ދެކުނުގެ މަސްވެރިކަން ރަނގަޅުވުމާއި އެކު މަސް ގަތުން މިފްކޯއިން ކޮންޓްރޯލް ކޮށްފިއެވެ.
މިފްކޯއިން ބުނީ ދެކުނުގެ މަސްވެރިކަން މިދުވަސްކޮޅު ވަރަށް ރަނގަޅުވުމާއި އެކު މިފްކޯގެ ފްރީޒިންގ ކެޕޭސިޓީއަށް ވުރެ އިތުރަށް މަސް ލިބެމުން ދާތީ މަސްކިރުމުގައި ދަތިތަކެއް ހުރި ކަމަށެވެ. ވުމާއި އެކު 25 އޭޕްރިލް އިން 28 އެޕްރީލްގެ ނިޔަލަށް ގއ ކޫއްޑޫއާއި ޅ, ފެލިވަރު އަދި އައްޑޫ ފިޝަރީޒް ކޮމްޕްލެކްސްއަށް މަސްކިރާ ކޮންމެ ދޯންޏަކުންވެސް އެންމެ ގިނަ ވެގެން ކިރުވޭނީ 4 ޓަނު މަސްކަމަށެވެ.
މިގޮތަށް ހަމަޖެއްސި ނަމަވެސް ކޫއްޑޫ އާއި އައްޑޫގައި ކިޔު ނަންބަރު ދީފައި ތިބި ދޯނިފަހަރުގައި ހުރި މަސް ކޮންޓްރޯލް ކުރުމެއް ނެތި ގަންނާނެ ކަމަށް މިފްކޯއިން ބުނެއެވެ.
ރާއްޖޭގެ މަސްވެރިކަން ރަނގަޅުވެއްޖެނަމަ މަސްވެރިން ބާނާ މަސް ގަތުމުގެ ގާބިލް ކަމެއް މިފްކޯގައި ނުހުރެއެވެ. އެއާއި އެކު މަސްވެރިން ޖެހެނީ ބާނާ މަސްކޮޅު ނުކިރިގެން އުޅޭށެވެ.