އައްޑޫގެ އިންތިހާބީ މޭޔަރ އަލީ ނިޒާރު އާއި ހޯމް މިނިސްޓަރ އިމްރާން އަބްދުﷲ ބައްދަލުކުރައްވައިފިއެވެ.
ހޯމް މިނިސްޓަރ އިމްރާން އައްޑޫއަށް އިއްޔެ ފެއްޓެވި ދަތުރުފުޅުގައި ނިޒާރު އާއި ބައްދަލު ކުރައްވައި އައްޑޫއަށް މިވަގުތު ދިމާވެފައިވާ މުހިންމު މައްސަލަތަލާއި ގުޅޭގޮތުން ވަނީ މަޝްވަރާކުރައްވާފައެވެ.
މި ބައްދަލުވުމުގައި ފުލުހުންގެ މަސައްކަތް އައްޑޫގައި އިތުރަށް ހަރުދަނާކޮށް ފުލުހުންގެ އަދަދު އިތުރުކުރެވިދާނެ ގޮތާއިމެދު ވެސް ވަނީ މަޝްވަރާ ކޮށްފައެވެ.
އައްޑޫގައި ކުށް އިތުރުވެ، ދޭތެރެ ދޭތެރެއިން ތޫނު އެއްޗެހިތަކުން ހަމަލާދީ މާރާމާރީ ހިންގާ މައްސަލަ ތަކާއި ގުޅިގެން މީގެ ކުރިން ނިޒާރު ވަނީ އިމްރާން އާއި ޕޮލިސް ކަމިޝްނާ ޓެގް ކުރައްވައި، 20 ފުލުހުންނާއި ދެ ވެހިކަލަކުން އައްޑޫގައި އަމަން ގާއިމު ނުކުރެވޭނެ ކަމަށް ވިދާޅުވެ ފާޑު ކިޔާފައެވެ.