ރިޔާސީ އިންތިހާބާ ބެހޭ ޝަކުވާތައް ހުށަހެޅުމަށް އައްޑޫގައި އިލެކްޝަންގެ ކޮމްޕްލެއިންޓްސް ބިޔުރޯއެއް އުފައްދައިފި އެވެ.
އިލެކްޝަން ކޮމިޝަން (އީސީ) އިން ބުނީ ރިޔާސީ އިންތިހާބާ ބެހޭ ޝަކުވާތައް ބެލުމަށް ގާއިމްކޮށްފައިވާ ބިއުރޯތައް އަންނަ ނޮވެމްބަރު މަހުގެ 16 ގެ ނިޔަލަށް ގާއިމްކޮށްފައި ވާނެ ކަމަށެވެ.
އައްޑޫގައި އިލެކްޝަން ކޮމްޕްލެއިންޓްސް ބިއުރޯ ގާއިމްކޮށްފައި ހުންނާނީ ކައުންސިލް އިދާރާގަ އެވެ.
އީސީން ބުނީ ބުނީ ކޮމްޕްލެއިންޓްސް ބިޔުރޯ ހުޅުވިފައި ހުންނާނީ އަންނަ ނޮވެމްބަރު 16 އާ ހަމައަށް ހުކުރު ދުވަސް ފިޔަވައި ކޮންމެ ދުވަހެއްގެ ވެސް ހެނދުނު 08:00 އިން 15:00 އަށެވެ. އަދި ހުކުރު ދުވަސްތަކުގައި ކޮމްޕްލެއިންޓްސް ބިޔުރޯތައް ހުޅުވިފައި ހުންނާނީ މެންދުރު ފަހު 14:30 އިން 17:00 އަށެވެ.
އީސީން އަދި ބުނީ އިންތިހާބާ ބެހޭ ޝަކުވާ ބަލައިގަތުމަށް ހަމަޖެހިފައި ވަނީ ޝަކުވާ ހުށަހެޅުމަށް ހަމަޖެހިފައިވާ ފޯމްގައި ކަމަށާއި އެ ފޯމް އިލެކްޝަންސް ކޮމިޝަންގެ ވެބްސައިޓުންނާއި އިންތިހާބާ ބެހޭ ގައުމީ ކޮމްޕެލެއިން ބިއުރޯއިން ނާއި އަތޮޅުތަކުގެ ކޮމްޕްލެއިންޓްސް ބިއުރޯތަކުގެ އިތުރުން ރަށްރަށުގައި ގާއިމްކޮށްފައިވާ އެ ކޮމިޝަންގެ ފޯކަލް ޕޮއިންޓްތަކުން ލިބެން ހުންނާނެ ކަމަށެވެ.
ބާތިލް ކުރި ސެޕްޓެމްބަރު 7 ގެ އިންތިހާބުގައި ވެސް އައްޑޫގައި ކޮމްޕްލެއިންޓްސް ބިޔުރޯއެއް ހަދައި އެތަނުގައި ތިން މީހަކު މަސައްކަތްކޮށްފައިވެ އެވެ.