ކުރީގެ ރައީސް ޔާމީން ޢަބްދުލްޤައްޔޫމް ގެއަށް ބަދަލު ކުރެވިގެންދިޔުން އެއީ އެޅިގެން ދިޔަ ހަރުދަނާ ފިޔަވަޅެއް ކަމަށް ރާއްޖޭގެ މަޝްހޫރު ދީނީ ޢިލްމުވެރިޔާ ޝެއިޚް އަލީ ޒައިދު ވިދާޅުވެއްޖެއެވެ.
ޝެއިޚް ޒައިދު މި ކަމަށް އިޝާރާތް ކުރައްވާ ކުރެއްވި ޓްވީޓްގައި ވަނީ އެކަމަށް މަރުޙަބާ ކިޔާ ކަމަށް ވެސް ވިދާޅުވެފައެވެ.
RY geah badhal kurevigen dhiyumakee elhigen dhiya harudhanaa fiyavalheh! Mikamah Marhabaa kiyan! 😀
— Ali Zaid (@alizaid1000) April 29, 2021
"ރައީސް ޔާމީން ގެއަށް ބަދަލުކުރެވިގެން ދިޔުމަކީ އެޅިގެންދިޔަ ހަރުދަނާ ފިޔަވަޅެއް! މިކަމަށް މަރުޙަބާ ކިޔަން!" ޝެއިޚް ޒައިދު ވިދާޅުވިއެވެ.
ޔާމީން ގޭ ބަންދަށް ބަދަލުކޮށްފައިމިވަނީ އެމަނިކުފާނު ގެޔަށް ބަދަލުކޮށްދިނުމަށް އެދި އާއިލާ އަދި އިދިކޮޅު ލީޑަޝިޕްގެ ބޭފުޅުން ވަނީ ރައީސް އިބްރާހިމް މުހައްމަދު ސޯލިހުގެ އަރިހުން އެދިވަޑައިގަންނަވާފައިވާ ދަނޑިވަޅެއްގައެވެ.
މަނީލޯންޑްރިންގެ ކުށް ސާބިތުވެ ފަސް އަހަރުގެ ޖަލު ހުކުމެއްގައި ހުންނެވި ޔާމީންގެ މައްޗަށް މިހާރު ވެސް އަންނަނީ އެމްއެމްޕީއާރްސީގެ ހިޔާނާތާއި ގުޅޭ މައްސަލައެއްގައި ދައުވާ ކުރަމުންނެވެ. އެގޮތަށް ފުށްގިރި މައްސަލައިގައި ރިޝްވަތު ހިފުމުގެ ދައުވާ އާއި މަނީލޯންޑްރިންގެ ދައުވާ ރައިސް ޔާމީންގެ މައްޗަށް އުފުލާފައިވެއެވެ.