ރާއްޖޭގެ ކަނޑުގެ ސަރަހައްދުން ގަވާއިދާއި ހިލާފަށް މަސްވެރިކަން ކުރަނިކޮށް އަތުލައިގަތް ބޯޓުތަކަކީ ލަންކާގެ ބޯޓުތަކެއް ކަމަށް ފުލުހުން ބުނެފިއެވެ.
މިދިޔަ އެޕްރީލް މަހުގެ 28 ވަނަ ދުވަހު މ. އަތޮޅާއި ވ. އަތޮޅާއި ދިމާ އިރުން އީއީޒެޑް ގެ 30 ނޯޓިކަލް މޭލް އެތެރެއިން، ގަވައިދާ ހިލާފަށް މަސްވެރިކަން ކުރަމުން ދަނިކޮށް ފަސް މަސްބޯޓެއް ވަނީ ހިފަހައްޓާފައެވެ. މި ބޯޓުތައް ހިފަހައްޓާފައިވަނީ ކޯސްޓް ގާޑް ޝިޕް ހުރަވީ ކުރަމުން ދިޔަ ޕެޓްރޯލް ދަތުރުތަކެއްގައިއެވެ.
އެމްއެންޑީއެފް އިން ބުނީ އަތުލައިގަތް ކޮންމެ ބޯޓެއްގައި ހަ މީހުން ތިބި ކަމަށެވެ.
މި ބޯޓުތައް މިހާރުވަނީ އެމްޑީއެފްގެ ބެލުމުގެ ދަށުން ގެނެސް ހުޅުމާލެ އަށް ގެނެސް ފުލުހުންނާއި ހަވާލުކޮށްފައެވެ.