ރޯދަމަހުގެ ފަހު ދިހައެއް ފެށެނީ ކަމަށާއި، އެހެން ކަމުން މަގުމަތީގައި ބޭކާރު ހަރަކާތްތައް ހިންގާ ބޭފުޅުން ވެސް އިހަށް ދެން މި ދުވަސްކޮޅު އެކަން ހުއްޓާލުމަށް ރާއްޖޭގެ މަޝްހޫރު ދީނީ ޢިލްމުވެރިޔާ ޝެއިޚް ޢަލީ ޒައިދު ގޮވާލައްވައިފިއެވެ.
ޝެއިޚް ޒައިދު މިހެން ވިދާޅުވެފައިވަނީ އެ ބޭފުޅާގެ އޮފިޝަލް ޓްވިޓާ އެކައުންޓް މެދުވެރިކޮށް ކުރެއްވި ޓްވީޓެއްގައެވެ.
ފަހު ދިހައެއް ފެށެނީ! މަގުމަތީ ބޭކާރު ޙަރަކާތްތައް ހިންގާ ބޭފުޅުންވެސް އިހަށް ދެން މިދުވަސްކޮޅު އެކަންކަން ހުއްޓާލުމަށް ގޮވާލަން! އަދި އަޅުކަމާއިގެން މަޝްޣޫލުވެ ލައިލަތުލް ޤަދްރިވިލޭރެއާއި ފަހުދިހައެއްގެ މާތްކަން ހޯދުމަށް ވީވަރަކުން މަސައްކަތްކުރައްވަން ހަނދާންކޮށްދެން!
— Ali Zaid (@alizaid1000) May 1, 2021
"ފަހު ދިހައެއް ފެށެނީ! މަގުމަތީ ބޭކާރު ޙަރަކާތްތައް ހިންގާ ބޭފުޅުންވެސް އިހަށް ދެން މިދުވަސްކޮޅު އެކަންކަން ހުއްޓާލުމަށް ގޮވާލަން! އަދި އަޅުކަމާއިގެން މަޝްޣޫލުވެ ލައިލަތުލް ޤަދްރިވިލޭރެއާއި ފަހުދިހައެއްގެ މާތްކަން ހޯދުމަށް ވީވަރަކުން މަސައްކަތްކުރައްވަން ހަނދާންކޮށްދެން!" ޝެއިޚް ޒައިދު ވިދާޅުވިއެވެ.
ޝެއިޚް ޒައިދު އަކީ ދީނީ ޢިލްމުވެރިއެއްގެ ހައިޞިއްޔަތުން އެ ބޭފުޅާ އާންމުންނަށް ދެއްވަން ބޭނުންވާ މެސެޖްތަކާއި ދައްކަވަން ބޭނުންފުޅުވާ ވާހަކަތައް ދެއްކެވުމަށް އެއްވެސަ ވަރަކަށް ފަސްޖެހިވަޑައިނުގަނެ، ބަޔަކު ކިޔާފާނެ އެއްޗަކަށް ނުބައްލަވާ އެ ބޭފުޅާގެ ޒިންމާ އަބަދުވެސް އަދާކުރައްވާ ބޭފުޅެއްކަން ފާހަގަ ކުރެވެއެވެ.