މިއަދު މިފެންނަނީ ވޯޓާއި ގުޅިގެން އެޅި ދެކޮޅު ނުޖެހޭ ފިޔަވަޅުތަކެއްގެ ނަތީޖާ ކަމަށާއި ވޯޓާއި ގުޅިގެން ރިހޭފައި މައްޗަށް ފޮއި ވައްޓާލީ ގަސްތުގައި ކަމަށް މަޝްހޫރު ދީނީ އިލްމުވެރިޔާ ޝެއިޚް އަލީ ޒައިދު ވިދާޅުވެއްޖެއެވެ.
މިއަދުގެ ކޮވިޑްގެ ހާލަތު އިންތިހާއަށް ގޯސް ވަމުންދާ މި ދަނޑިވަޅުގައި ޝެއިޚް ޒައިދު މި ފަދައިން ވިދާޅުވެފައިމިވަނީ ރާއްޖޭގައި ކޮވިޑް ކޮންޓްރޯލް އެއްކޮށް ނުވެ އޮއްވާ އިންތިޚާބަށް ވޯޓުލުމަށްޓަކައި ކަރަންޓީން ވުމަކާއި ނުލާ މީހުންނަށް އެއް ރަށުން އަނެއް ރަށަށް ދިޔުމުގެ ހުއްދަ ސަރުކާރާއި އެޗްޕީއޭއިން ދެއްވި ކަމަށް އިޝާރާތް ކުރައްވާފައި ކަމަށް ބެލެވެއެވެ.
ވޯޓުގެ ފަހުން ކުއްލިއަކަށް ރާއްޖޭގެ ގިނަ ރަށް ތަކަކުން ކޮވިޑް ކޭސްތައް ފެނި ކޭސްތަކުގެ އަދަދު މި ދަނީ އިތުރު ވަމުންނެވެ. މިހާރު ކޮންމެ ދުވަހަކީ ރެކޯޑް އަދަދަކަށް ކޮވިޑަށް މީހުން ފައްސިވާ ދުވަހަކަށް މި އޮތީ ވެފައެވެ.
Kurin vote aa gulhigen 'rihey fai mahchah foe vattaalee' gasthuga! Inthikhaabaa gulhigen dhekolhu nujehey fiyavalhu thakeh ge natheejaa miadhu mifennanee! Midhuvas eyru ves v gina bayaku lafaakuri!
— Ali Zaid (@alizaid1000) May 3, 2021
" ކުރިން ވޯޓާއި ގުޅިގެން 'ރިހޭފައިމައްޗަށް ފޮއި ވައްޓާލީ' ގަސްތުގަ! އިންތިޚާބާއި ގުޅިގެން ދެކޮޅުނުޖެހޭ ފިޔަވަޅު ތަކެއްގެ ނަތީޖާ މިއަދު މި ފެންނަނީ! މި ދުވަސް އޭރުވެސް ވަރަށް ގިނަ ބަޔަކު ލަފާކުރި!" ޝެއިޚް ޒައިދު ވިދާޅުވެއްޖެއެވެ.
ކޮވިޑު ކޭސްތައް މާލެ އާއި އަތޮޅު ތެރޭގައި ވެސް އިތުރުވަމުން އަންނާތީ ފިޔަވަޅުތައް އަނެއްކާވެސް ވަރުގަދަ ކުރުމަށް މަސައްކަތް ކުރެވޭ ވާހަކަ ސަރުކާރު ތެރެއިން އަޑު އިވެން ވަނީ ފަށާފައެވެ.