ރާއްޖޭގައި ކޮވިޑުގެ ޢަދަދުތައް އިންތިހާއަށް މަތިވަމުން ދިއުމީ ކަންބޮޑުވާކަމެއް ކަމަށް ރައީސް އިބްރާހީމް މުޙައްމަދު ސޯލިޙް ވިދާޅުވެއްޖެއެވެ.
ރައީސް ސޯލިޙް މިހެން ވިދާޅުވެފައި މިވަނީ ރާއްޖޭގައި ކޮވިޑްގެ ކޭސްތައް އިތުރު ވުމާއިގުޅިގެން އެކަމަށް އިޝާރާތް ކުރައްވާ އެ މަނިކުފާނު ކުރެއްވި ޓްވީޓެއްގައެވެ.
ރާއްޖޭގައި ކޮވިޑުގެ ޢަދަދުތައް އިންތިހާއަށް މަތިވަމުންދިއުމީ ކަންބޮޑުވާކަމެއް.. ބަލިން ރައްކާތެރިވުމުގެ ގޮތުން އަޅާފައިވާ ފިޔަވަޅުތަކަށް ޚާއްޞަ ސަމާލުކަމެއް ދެއްވުމަށް އަދިވެސް އިލްތިމާސްކުރަން. ބަލި ކޮންޓްރޯލްކުރުމަށް ފިޔަވަޅުތައް. ހަރުދަނާ ކުރުމަށް މިއަދު އެބަ މަޝްވަރާކުރަން.
— Ibrahim Mohamed Solih (@ibusolih) May 3, 2021
"ރާއްޖޭގައި ކޮވިޑުގެ ޢަދަދުތައް އިންތިހާއަށް މަތިވަމުންދިއުމީ ކަންބޮޑުވާކަމެއް. ބަލިން ރައްކާތެރިވުމުގެ ގޮތުން އަޅާފައިވާ ފިޔަވަޅުތަކަށް ޚާއްޞަ ސަމާލުކަމެއް ދެއްވުމަށް އަދިވެސް އިލްތިމާސްކުރަން. ބަލި ކޮންޓްރޯލްކުރުމަށް ފިޔަވަޅުތައް. ހަރުދަނާ ކުރުމަށް މިއަދު އެބަ މަޝްވަރާކުރަން" ރައީސް ސޯލިޙް ވިދާޅުވިއެވެ.
ރައީސް ސޯލިޙް ކަމާއިބެހޭ ފަރާތްތަކާއި މަޝްވަރާ ކުރެއްވުމަށްފަހު ވަނީ ކޮވިޑް-19 އިން ރައްކާތެރިވުމަށް މުޅި ރާއްޖޭގައި ޚާއްޞަ ފިޔަވަޅުތަކެއް އެޅުމަށް ނިންމާފައެވެ. އެގޮތުން އެކި ދާއިރާތަކަށް ޚާއްސަކޮށްގެން އަޅުއްވަން ނިންމަވާފައިވާ ފިޔަވަޅުތައް ވަނީ ދިވެހި ސަރުކާރުގެ ގެޒެޓްގައި އާންމު ކުރައްވާފައެވެ.