ރައްޔިތުންގެ މަޖިލީހުގެ ރައީސް ނަޝީދަށް އަމާޒުކޮށް ރޭ ދިން ހަމަލާއަށް ފަހު ސަރުކާރުގެ ބައެއް އިމާރާތް ކައިރީ ސިފައިން ހަތިޔާރާއި އެކީ ފޯރިމަރަން ފަށައިފިއެވެ.
ސިފައިން ފޯރިމަރަމުން އަންނަ އިމާރާތްތަކުގެ ތެރޭގައި ސްޓެލްކޯ އިމާރާތާއި، ފެން ކުންފުނީގެ އިތުރުން އެސްޓިއޯ ހިމެނެއެވެ.
ރޭގެ ހަމަލާއަށް ފަހު އެމްއެންޑީއެފް އާއި ފުލުހުންގެ އެލާޓް ސްޓޭޓަސް މަތިކޮށް، ސެކިއުރިޓީ ވަނީ ވަރުގަދަކޮށްފައެވެ. ސިފައިން އަންނަނީ ހަތިޔާރާއި އެކު މާލޭގެ މަގުތަކުގައި ހަރަކާތްތެރިވަމުންނެވެ.
މި ހާދިސާގެ ތަހްގީގު ފުލުހުން ފަށާފައިވާ އިރު މިއީ ރައީސް ނަޝީދަށް އަމާޒުކޮށް ދެވުނު ޓެރަރިސްޓު ހަމަލާއެއްކަމަށް ފުލުހުން ވަނީ ބުނެފައެވެ.
ރޭގެ ހާދިސާގައި ރައީސް ނަޝީގެ ބޮޑީގާޑުންނަށްވެސް އަނިޔާވެގެން ހޮސްޕިޓަލުގައި އެޑްމިޓު ކުރެވުނެވެ. ނަމަވެސް ފަރުވާއަށް ފަހު 3 ބޮޑީގާޑުންވެސް ވަނީ ދޫކޮށްލާފައެވެ.