ބަނގުރާ ބުއިމުގެ ތުހުމަތުގައި މި މަހުގެ ހަ ވަނަ ވިލޭރޭ ފުލުހުން ހައްޔަރު ކުރި ސ. ފޭދޫ ކައުންސިލަރު އަހުމަދު މިރުޒާދު (މިރާ) މިއަދު ގޭ ބަންދަށް ބަދަލުކޮށްފި އެވެ.
އޭނާ ގޭ ބަންދަށް ބަދަލު ކުރީ ހަ ވަނަ ދުވަހު ކޯޓަށް ގެންގޮސް، ބަންދުގެ މުއްދަތަށް 10 ދުވަސް ކޯޓުން ދީފައި ވަނިކޮށެވެ.
މިރާ ފުލުހުންގެ ބެލުމުގެ ދަށުގައި ހުރި އިރު، އޭނާ ވަނީ ފުލުހުންގެ ބެލުމުގެ ދަށުން މިދިޔަ ހޮނިހިރު ދުވަހު ބޭއްްވި ރިޔާސީ އިންތިހާބުގެ ފުރަތަމަ ބުރުގައި ވޯޓް ވެސް ލައިފަ އެވެ.
އެނގިފައިވާ ގޮތުގައި ގަމުގެ އީކްއޭޓާ ވިލެޖްގައި ބަނގުރާ ބުއިމުގެ ތުހުމަތުގައި މިރާ އާ އެކު ފުލުހުން ހައްޔަރު ކުރި އަނެއް ދެ މީހުން ވެސް ވަނީ ގޭ ބަންދަށް ބަދަލުކޮށްފަ އެވެ.
އެއީ ފޭދޫ ހިޔާލާގޭ އަހުމަދު މިންތާޒު (މިންތާ) އާއި ހިތަދޫ ސަހަރާގޭ އަލީ މޫސާ ދީދީ އެވެ.
އެ ތިން މީހުން ހައްޔަރުކޮށް، ކުޑަކަމުދާ ތަކެތި ޓެސްޓް ކުރި އިރު، ބަނގުރާ ބޮއެގެން ތިބި ކަމަށް ޕޮޒިޓިވްވެފައިވާ ކަމަށް ވެސް ފުލުހުން ބުންޏެވެ.