ޗައިނާއިން ޖައްވަށް ފޮނުވާލި ރޮކެޓުގެ ބައެއް ދުނިޔެއަށް ވެއްޓެމުން އައިސް، އިންޑިޔާ ކަނޑުން ރާއްޖެއާ ކައިރިއަށް ވެއްޓުމުން އެކަން ފަތުރުވެރިކަން ޕްރޮމޯޓް ކުރުމަށް ބޭނުންކުރުމުން ޓޫރިޒަމް މިނިސްޓަރު އަބްދުﷲ މައުސޫމަށް ސޯޝަލްމީޑިއާގައި ފާޑުކިޔުން އަމާޒުވެއްޖެއެވެ.
ރޮކެޓްގެ ބައެއް ރާއްޖެ ކައިރިޔަށް ވެއްޓުނުކަން ހާމަކުރުމުން މިނިސްޓަރު މައުސޫމް ވަނީ ދުނިޔޭގެ މެޕްގައި ރާއްޖެ މިހާރު އޮތްތައް އިނގޭނެކަމަށް ވިދާޅުވެ ވިޒިޓް މޯލްޑިވްސްގެ ހޭޝްޓެގްގައި ޓްވީޓްކުރައްވާފައެވެ.
މިނިސްޓަރު މައުސޫމްގެ ޓްވީޓަށް ބޮޑެތި ފާޑުކިޔުންތަކެއް އަމާޒު ގިނަ ބަޔަކު ވަނީ އެގޮތަށް ޓްވީޓް ކުރުމުން ނުރުހުން ފާޅުކޮށްފައެވެ.
އެކަމާއި ގުޅިގެން މިނިސްޓަރު މައުސޫމް ވަނީ އެ ޓްވީޓްތައް ޑްލީޓް ކުރައްވާ، އެ ޓްވީޓަކީ ކުރުން ރަނގަޅު ޓްވީޓެއް ނޫންކަމަށް މީހުން ބުނެފައިވާކަން ފާހަގަކޮށްފައެވެ. އަދި އެފަދަ ޓްވީޓެއް ކުރެވުނީތީ މާފަށް އެދޭކަމަށް މިނިސްޓަރު މައުސޫމް ވިދާޅުވިއެވެ.
Hello world, as my recent tweet about a trending word which was highlighting the #Maldives on the global map was perceived to be not appropriate by some. I have now deleted that tweet. Sincere apologies.
— Abdulla Mausoom (@Mausoom_Maus) May 9, 2021
މިރޮކެޓުން ދުނިޔެއާ ދިމާލަށް ވެއްޓެމުން އައި ބައިގެ ބުރަދަނުގައި 8 ޓަން ހުންނާނެ ކަމަށް ޗައިނާގެ ޖައްވީ އިދާރާއިން ލަފާކުރެއެވެ. ޗައިނާ އޮފިޝަލުންނާ ހަވާލާދީ "ސީއެންއެން" އިން ރިޕޯޓުކޮށްފައިވާ ގޮތުގައި ރޮކެޓު ވެއްޓިފައިވަނީ މިއަދު ހެނދުނު ރާއްޖެ ގަޑިން 7:24 އެހާކަށް ހާއިރެވެ.