ރާއްޖޭގައި މިހާރު މިއޮތް ކޮވިޑްގެ ޙާލަތުން އަރައިގަނެވޭނީ އެޗްޕީއޭ ވެސް އިސްލާޙުވެ، އަޅުގަނޑުމެން ވެސް އިސްލާޙުވެގެން ކަމަށް މަޝްހޫރު ދީނީ ޢިލްމުވެރިޔާ ޝެއިޚް ޢަލީ ޒައިދު ވިދާޅުވެއްޖެއެވެ.
ޝެއިޚް ޒައިދު މިހެން ވިދާޅުވެފައި މިވަނީ ކޮވިޑްގެ ކޭސްތައް ރާއްޖޭގައި ދުވަހެއް ދުވަހަކަށް އިތުރުވެ، އާންމުގެ ހިތުގައި ބިރުވެރިކަމެއް އުފެދިފައިވާ ވަގުތެއްގައި މި ކަމަށް އިޝާރާތްކުރައްވާ އެ ބޭފުޅާ ކުރެއްވި ޓްވީޓެއްގައެވެ.
Mikan vaan othy, @HPA_MV ves islaah ve, alhugandumen ves islaah vegen! HPA ge faraathun edhenee kulhey kulhey usoolun isthisnaa haalai thah noofahdhan! Alhugandumen kuran v kamakee farudhee zimmaa adhaakurun! Allah mi balimadu kamun alhugandumen enmen salaamai kurahvaashi! Ameen.
— Ali Zaid (@alizaid1000) May 9, 2021
"މިކަން ވާންއޮތީ، އެޗްޕީއޭ ވެސް އިސްލާޙުވެ، އަޅުގަނޑުމެން ވެސް އިސްލާޙު ވެގެން! އެޗްޕީއޭގެ ފަރާތުން އެދެނީ ކުޅޭކުޅޭ އުޞޫލުން އިސްތިސްނާ ޙާލަތްލައް ނުއުފައްދަން! އަޅުގަނޑުމެން ކުރަންވީ ކަމަކީ ފަރުދީ ޒިންމާ އަދާކުރުން! ﷲ މި ބަލިމަޑުކަމުން އަޅުގަނޑުމެން އެންމެން ސަލާމަތް ކުރައްވާށި! އާމީން." ޝެއިޚް ޒައިދު ވިދާޅުވިއެވެ.
އިއްޔެ ވެސް ރާއްޖެއިން 1091 މީހުން ކޮވިޑަށް ޕޮޒިޓިވް ވެފައެވެ. ކޮވިޑްގެ އެކްޓިވް ކޭސްތަކުގެ ގޮތުގައި މިހާރު އުޅެނީ 9423 ކޭސް އެވެ. މި ބަލިން 26،299 މީހުން ރަނގަޅުވެފައިވާއިރު ހޮސްޕިޓަލުގައި ފަރުވާ ދެމުންދަނީ 250 މީހަކަށެވެ. މި ބަލީގައި 84 މީހަކު ވަނީ ނިޔާވެފައެވެ.