ލ. ގަމު ތުނޑީ އަވަށު މިސްކިތެއްގައި ދަމު ނަމާދަށް ހުއްޓާ މުދިމަށް ހަމަލާދިން މައްސަލާގައި މީހަކު ހައްޔަރުކޮށްފިއެވެ.
ފުލުހުން ބުނީ އެމައްސަލަ އާއި ގުޅިގެން 30 އަހަރުގެ ޒުވާނަކު ކޯޓު އަމުރެއްގެ ދަށުން ހައްޔަރުކޮށްފައިވާ ކަމަށެވެ.
މިދިޔަ ހޮނިހިރު ދުވަހުގެ ރޭ ހިނގި މި ހާދިސާގައި އެ ޒުވާނާވަނީ މިސްކިތަށް ގާއުކުމަށްފަހު މިސްކިތުގެ ތެރެއަށްވަދެ، އިމާމަށް ހަމަލާދީ، މައިކު އެއްލާލާފައެވެ.
މައުލޫމާތު ލިބިފައިވާ ގޮތުގައި އޭނާ މުދިމަށް ހަމަލާދީ، މިސްކިތުގެ ތަކެއްޗަށް ގެއްލުން ދިން އިރު ހުރީ މަސްތުގެ ހާލަތުގައެވެ.