އިޒްރޭލުން ދަނީ ހުއްޓުމެއްނެތި ރޮކެޓްތައް ޣައްޒާއަށް ފޮނުވަމުން ކަމަށް އިޒްރޭލާއި ފަލަސްތީން ވަކިކޮށްދޭ ބޯޑަރު ކައިރީގައި ހަރަކާތްތެރިވާ އަލްޖަޒީރާގެ ނޫސްވެރިޔަކާއި ހަވާލާދީ އެ ނޫހުން ރިޕޯޓްކޮށްފައިވެއެވެ.
މިއަދު އިޒްރޭލުން ޣައްޒާއަށް ދިން ހަމަލާތަކުގައި އެކަނި ވެސް 28 މީހުން މަރުވެ އެތައް ބަޔަކު ވަނީ ޒަޚަމް ވެފައެވެ. މަރުވި މީހުންގެ ތެރޭގައި 10 ކުޑަކުދިން ވެސް ހިމެނެއެވެ.
5 މިނިޓް ތެރޭގައި އިޒްރޭލުން ޣައްޒާއަށް 140 ރޮކެޓް ހަމަލާދީފައިވާ ކަމަށް ހަމާސް އިން ބުނެއެވެ. މިވާހަކަ އެއީ ތެދުކަމެއް ނުވަތަ ދޮގު ކަމެއް ވެސް އިޒްރޭލުން ބުނެފައިނުވެއެވެ. މިއަދު ދިން ހަމަލާގައި ޣައްޒާގެ މީހުން ދިރިއުޅޭ 13 ބުރީގެ އިމާރާތެއް ވެސް ވަނީ ބިމާއި ހަމަވެފައެވެ. މައުލޫމާތު ލިބޭ ގޮތުގައި އެ އިމާރާތް ވެއްޓުމުގެ ކުރިން އެތަނުގައި ދިރިއުޅުނު އެންމެން ވަނީ އެތަން ދޫކޮށް ގޮސްފައެވެ. އެހެން ކަމުން އެއްވެސް މީހަކު އެތަނުން މަރުވި ނުވަތަ ޒަޚަމްވި ޚަބަރެއް ލިބިފައިނުވެއެވެ.
މިހާތަނަށް އިޒްރޭލުގެ ހަމަލާތަކުގެ ސަބަބުން ފަލަސްތީންގެ 700 އަށްވުރެ ގިނަ މީހުންވަނީ ޒަޚަމް ވެފައެވެ.