ބޮލީވުޑްގެ އެއް ނަމްބަރު ބަތަލާގެ ގޮތުގައި މިހާރު ގިނަ ބަޔަކު ގަބޫލް ކުރާ ދީޕިކާ ޕަދްކޯން އާއި ޒުވާން އެކްޓަރު އަރުޖުން ކަޕޫރު ލީޑް ރޯލް ކުޅޭ "ފައިންޑިން ފެނީ ފެނާންޑޭޒް" ގެ މަސައްކަތް ނިންމައިފި އެވެ.
ގޯއާގައި މަންޒަރުތައް ނަގާފައިވާ އަދި އިނގިރޭސި ބަހުން އުފައްދާ މި ފިލްމަކީ ދީޕިކާ ހިމަނައިގެން "ކޮކްޓެއިލް" ވެސް ގެނެސް ދިން ޑައިރެކްޓަރު ހޯމީ އަދަޖާނިއާގެ ފިލްމެކެވެ.
މި ފިލްމްގެ އިތުރު ތަރިންގެ ތެރޭގައި ޑިމްޕަލް ކަޕާޑިއާ ނަސީރުއްދީން ޝާހް އަދި ޕަންކަޖް ކަޕޫރު ހިމެނެ އެވެ.
ކުރިން އަޑު އަރާފައިވާ ގޮތަށް "ފައިންޑިން ފެނީ ފެނާންޑޭޒް" އަކީ ކުރު ފިލްމެެއް ނޫން ކަމަށާއި އެއީ ހަމަ ފުރިހަމަ ފީޗާ ފިލްމެއް ކަމަށް މި ފިލްމާ ބެހޭ ގޮތުން "ޒޫމް" ޓީވީގައި ވާހަކަ ދައްކަމުން އަރުޖުން ބުންޏެވެ.
އޭނާ ބުނީ ފިލްމާ ދޭތެރޭ ވަރަށް ބޮޑަށް ހިތްހަމަޖެހިފައި ހުރި ކަމަށެވެ. އަދި ދީޕިކާ ފަދަ ހުނަރުވެރި ތަރިއަކާ އެކު މަސައްކަތް ކުރަން ފުރުސަތު ލިބުމުން ވަރަށް އުފާވާ ކަމަށް ވެސް އަރުޖުން ބުންޏެވެ.
ދީޕިކާ ވެސް ބުނީ އަރުޖުންއަކީ ކުޅަދާނަ އެކްޓަރެއް ކަމަށާއި ތަޖުރިބާކާރު އެކްޓަރުންތަކަކާ އެކު މަަަަސައްކަތް ކުރަން ފުރުސަތު ލިބުމަކީ ލިބުނު ކާމިޔާބީއެއްގެ ގޮތުގައި ދެކޭ ކަމަށެވެ.
"ފައިންޑިން ފެނީ ފެނާންޑޭޒް" ސިނަމާތަކަށް އަންނާނެ އިރެއް އޮތީ ނޭނގުމެއްގެ ތެރޭގަ އެވެ.