ކޮވިޑަށް ފަރުވާ ދެމުން ދިޔަ އިތުރު ދިވެއްސަކު މިއަދު މަރުވެއްޖެއެވެ.
މިއީ މިއަދު މި ބަލީގައި މަރުވ 3 ވަނަ މީހާއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ދަރުމަވަންތަ ހޮސްޕިޓަލްގެ އައިސީޔޫގައި ފަރުވާ ދެމުން ދިޔަ 86 އަހަރުގެ އަންހެނަކު މިއަދު ހެނދުނު 9:05 ހާއިރު ނިޔާވެފައިވާ ކަމަށެވެ. މިއީ މި ބަލީގައި ރާއްޖެއިން މަރުވި 90 ވަނަ މީހާއެވެ.
ކޮވިޑުގައި މިއަދު ފުރަތަމަ މަރުވެފައިވަނީ ރޭ ދަންވަރު 2؛24 ހާއިރު ހުޅުމާލެ ކޮވިޑު ފެސިލިޓީގައި ފަރުވާދެމުން ދިޔަ 86 އަހަރުގެ ދިވެހި ފިރިހެނެކެވެ. އޭގެ ފަހުން މިއަދު ހެނދުނު 6؛30 ހާއިރު ހުޅުމާލެ ކޮވިޑު ފެސިލިޓީގައި ފަރުވާ ދެމުން ދިޔަ 64 އަހަރުގެ ދިވެހި ފިރިހެނަކު ވަނީ މި ބަލީގައި ނިޔާވެފައެވެ.
ދުވާލެއްގެ މައްޗަށް ކޮވިޑުގައި މަރުވާ މީހުން އިތުރުވަމުން އަންނަ އިރު ހޮސްޕިޓަލް ތަކުގައި އެޑްމިޓުކޮށް ފަރުވާ ދެމުން އަންނަ މީހުންގެ ަދަދދު މިވަނީ 259އަށް އަރާފައެވެ. މީގެ ތެރެއިން ބައެއް މީހުންނަށް ފަރުވާ ދެމުން އަންނަނީ އައިސީޔޫގައެވެ.