އުފުލި ދިޔާ އެއްޗެހީގެ ވާހަކަ ތަހުޤީޤް ކުރެވެންޖެހޭ ކަމަށާއި މިއީ ސަމާސާ ވާހަކައެއް ނޫން ކަމަށް މަޝްހޫރު ދީނީ ޢިލްމުވެރިޔާ ޝެއިޚް ޢަލީ ޒައިދު ވިދާޅުވެއްޖެއެވެ.
ޝެއިޚް ޒައިދު ކުރެއްވި ޓްވީޓްގައި ވިދާޅުވީ މިއީ ރާއްޖޭގެ އެންމެ ބޮޑު ޚިޔާނާތާއި ގުޅޭ މައްސަލައެއް ކަމަށާއި ލަދުވެތިކަމަކީ ވަރަށް މުހިއްމު ކަމެއް ކަމަށެވެ.
Hurihaa Rayyithun moya hehdheyne kamah dhekeynee ves moya eh! Ufuli dhiyaa ehchiheege vaahaka thahgeeg kureven jehey! Mee samaasaa vaahaka eh noon! Raajje ge enme bodu khiyaanaathaa gulhun huri massalaeh! Ladhuvethi kamaky v muhinmu sifaeh!
— Ali Zaid (@alizaid1000) May 14, 2021
"ހުރިހާ ރައްޔިތުން މޮޔަ ހެއްދޭނެ ކަމަށް ދެކޭނީ ވެސް މޮޔައެއް! އުފުލި ދިޔާ އެއްޗެހީގެ ވާހަކަ ތަހުޤީޤް ކުރެވެންޖެހޭ! މީ ސަމާސާ ވާހަކައެއް ނޫން!ރާއްޖޭގެ އެންމެ ބޮޑު ޚިޔާނާތާއި ގުޅުން ހުރި މައްސަލައެއް!ލަދުވެތިކަމަކީ ވަރަށް މުހިއްމު ސިފައެއް!" ޝެއިޚް ޒައިދު ވިދާޅުވިއެވެ.
ކުރީގެ ނައިބު ރައީސް އަހުމަދު އަދީބާއި ބައްދަލުކޮށް ދަބަހަކަށް އަޅައިގެން ގެންދިޔައީ ދިޔާ އެއްޗެއް ކަމަށް މެދު ހެންވޭރު ދާއިރާގެ މެމްބަރު އަދި އެމްޑީޕީގެ ޕާލަމެންޓްރީ ގުރޫޕުގެ ލީޑަރު އަލީ އާޒިމް ވަނީ ވިދާޅުވެފައެވެ. އާޒިމް މިހެން ވިދާޅުވެފައިމިވަނީ އަދީބާއި އާޒިމް އާއި ދެމެދު ބަދަލުކުރި މެސެޖުތަކެއް ސޯޝަލް މީޑިއާގައި ލީކުވެފައިވާ ދަނޑިވަޅެއްގައެވެ. އެގޮތުން ދަބަހެއް ހިފައިގެން އައުމަށް އާޒިމްގެ ގާތުގައި އަދީބު ވިދާޅުވެފައިވާ މެސެޖެއް ވެސް އޭގެތެރޭގައި ހިމެނެއެވެ.