އިންޓަނޭޝަނަލް އެއިޑް ކެމްޕެއިން(އައިއޭސީ) މޯލްޑިވްސްގެ ފަރާތުން ފަލަސްތީނަށް އިމަޖެންސީކޮށް އެހީވުމުގެ ފުރުސަތު ބޭނުންވާ ފަރާތްތަކަށް ހުޅުވާލައިފިއެވެ.
މިވަގުތު ފަލަސްޠީންގެ ހާލަތު ވަރަށް ބޮޑަށްގޯސްވެފައި ވާތީ، ފަލަސްޠީނަށް އިމަޖެންސީ އެހީ ދެވޭނެ ގޮތެއް ނެތްތޯ ވަރަށް ގިނަ ފަރާތްތަކުން ސުވާލު ކުރަމުންދާ ކަމަށާއި އައިއޭސީއިން އަބަދުވެސް ގެންދަނީ އެއިރެއްގައި އެންމެ ބޮޑަށް އެހީ ބޭނުންވާ ފަރާތަށް ދެނެގަނެ އެފަރާތް ތަކަށް އެހީ ފޯރުކޮށްދިނުމަށް މަސައްކަތް ކުރަމުން ކަމަށްވާތީ މިހާރު ކުރިއަށްދާ " ލޯތްބާއިއެކު 2021" ގެ ތެރެއިން ފަލަސްޠީނަށް އިމަޖެންސީ އެހީ ފޯރުކޮށްދިނުމަށް ވަނީ ނިންމާފައި ކަމަށް އައިއޭސީއިން ބުނެފައިވެއެވެ.
ފަލަސްޠީނަށް އެހީ ފޯރުކޮށްދޭން ބޭނުންފުޅުނަމަ ލޯތްބާއިއެކު ކެމްޕޭނަށް އެހީ ފޯރުކޮށްދެއްވަމުން ގެންދަވަންވީ ކަމަށް އެ ފަރާތުން ބުނެއެވެ. 6 ރޯދަ ނިމެންދެން ލޯތްބާއިއެކު 2021 އަށް އެހިފޮނުވޭނެ ކަމަށް ވެސް އައިއޭސީއިން ބުނެއެވެ. އަދި އިންޝާﷲ އެ އެހީ މިވަގުތު އެއަށް އެންމެ ބޭނުން ޖެހިފައިވާ ފަލަސްޠީނުގެ އަޚުންނާއި އުޚްތުންނަށް ފޯރުކޮށްދެވިގެންދާނެ ކަމަށް ވެސް އެ ފަރާތުން ބުނެއެވެ.
މި ކެމްޕޭނުގައި ބައިވެރިވެވަޑައިގަތުމަށް ޚިޔާރު ކުރައްވަންވީ އެކައުންޓްގެ މައުލޫމާތު އެ ބޭފުޅުން ވަނީ އާންމު ކުރައްވާފައެވެ.
ބޭންކް: ބީއެމްއެލް އިސްލާމިކް
އެކައުންޓް ނަމްބަރު: 7770000026259 (ރުފިޔާ އެކައުންޓް)
އިތުރު މަޢުލޫމާތު ސާފު ކުރެއްވުމަށް ހޮޓްލައިން : 9122121 އަދި ވައިބާ: 9122121 އަށް ގުޅުއްވުމުން މައުލޫމާތު ލިބިގެންދާނެއެވެ.