އިޒްރޭޒުން މި ދިޔަ ހޯމަ ދުވަހުން ފެށިގެން މެދުކެނޑުމެއްނެތި ފަލަސްތީނުގެ ޣައްޒާއަށް ދެމުންދާ ހަމަލާތަކުގެ ސަބަބުން 10،000ށް ވުރެގިނަ މީހުން އެމީހުންގެ ގެދޮރު ދޫކޮށްލަން މަޖްބޫރު ވެއްޖެއެވެ.
އިޒްރޭލުން ދެމުންދާ ހަމަލާތައް ދަނީ ވަރުގަދަ ކުރަމުންނެވެ. އެ ގޮތުން ފަލަސްތީނުގެ އެތައް ބަޔަކު ވަނީ މަރުވެފައެވެ. އެތައް ސަތޭކަ މީހުން ވަނީ ޒަޚަމް ވެފައެވެ. އިޒްރޭލުން އެއްގަމުންނާއި ވައިގެމަގުން ދެމުންގެންދާ ހަމަލާތަކުގެ ސަބަބުން ފަލަސްތީނުގެ އެތައް އިމާރާތެއް ވަނީ ބިމާއި ހަމަވެފައެވެ.
އެންމެ ފަހުން އިޒްރޭލުން ދިން ހަމަލާތައް އަމާޒު ކޮށްފައިވަނީ ކުޑަކުދިން އެންމެ ގިނަ ސަރަހައްދުތަކަށް ކަމަށް ރިޕޯޓްތައް ބުނެއެވެ. ހުކުރު ދުވަހު އިޒްރޭލުން ވަނީ ފަލަސްތީނުގެ ތެރެއަށް އެމީހުންގެ އިތުރު ލަޝްކަރުތަކާއި ޓޭންކަރުތަކާއެކު ވަދެގަންނަން ފަށާފައެވެ.
އިޒްރޭލުން ރޮކެޓް ހަމަލާތަކާއި، އަސްލު ވަޒަނާއި، ރަބަރު ވަޒަނުގެ ހަމަލާތައް ރައްޔިތުންނަށް އަމާޒު ކުރަމުންދާއިރު ފަލަސްތީނުގެ އާންމު ރައްޔިތުން އެމީހުންގެ ހިމާޔަތަށް އިޒްރޭލް ސިފައިންނާއި ދިމާލަށް އުކާތަން ފެންނަނީ ގަލެވެ.
ދުނިޔޭގެ އެކި ކަންކޮޅުތަކުން ވަނީ ފަލަސްތީނުގެ ރައްޔިތުން އުޅެމުންދާ ހާލަތާއިމެދު ކަންބޮޑުވުން ފާޅުކޮށް އަޑުއުފުލަން ފަށާފައެވެ.