ރާއްޖެއަށް މިހާރު ކުރަމުންދާ ވިއްސާރައިގައި ރާއްޖޭގެ އުތުރާއި ދެކުނަށް ބޯކޮށް ވާރޭ ވެހި ރަށްތަކުގައި ފެންބޮޑުވެ އާއްމު ގެތަކަށް ފެންވަދެ ބޮޑެތި ގެއްލުންތައް ދަނީ ލިބެމުންނެވެ.
ވިއްސާރައިގެ ސަބަބުން އާއްމު ރައްޔިތުންނަށް ލިބެމުންދާ ގެއްލުން ކުޑަކުރުމަށް ފާއިތުވި ދެ ދުވަހު ސިފައިން ދަނީ ހުއްޓުމެއް ނެތި ބުރަ މަސައްކަތްތަކެއް ކުރަމުންނެވެ. އެގޮތުން އެމްއެންޑީއެފް ނޮދާން އޭރިއާ އަދި ސަދަން އޭރިއާ ސިފައިން އަންނަނީ ބުރަ މަސައްކަތްތަކެއް ކުރަމުންނެވެ.
Raajje ah kuramundhaa vissaaraagai, gadha vayaa eku ai kolhigan'deh gai Kulhudhuffushi, ge ehge furaalhu ellaalumaa gulhigen MNDF Northern Area Kulhudhuffushi Post ge sifain ge eheetherikan foarukohdheefi. Mi haadhisaa ge report libifaivany miadhu hen'dhunu 07:30 haairu. pic.twitter.com/rH5TX58vSt
— Maldives National Defence Force (@MNDF_Official) May 14, 2021
ވިއްސާރައިގެ ސަބަބުން ހދ. ކުޅުދުއްފުށީ ބައެއް ގެތަކަށް ލިބުނު ގެއްލުންތަކަށް ސިފައިން އެހީތެރިވި އިރު އިއްޔެ ހަވީރުން ފެށިގެން ދެކުނަށް ކުރި ވިއްސާރާގައި ގދ. ތިނަދޫ، ފުވައްމުލައް އަދި އައްޑޫއަށް ވަނީ ބޮޑެތި ގެެއްލުންތަކެއް ވެފައެވެ.
ތިނަދޫއަށް ކުރި ވިއްސާރާގައި ބައެއް ގެތަކަށް ފެންވަދެ ވަނީ ބޮޑެތި ގެއްލުންތަކެއް ލިބިފައެވެ.
Raajje ah mihaaru kuramundhaa vissaaraagai GDh.Thinadhoo ge 6 geyakah fen vadhefaivaathee veli basthaa jehumuge masakkathugai MNDF Southern Area ge Sifain harakaaiytherivumuge therein pic.twitter.com/EyxsdYqQJV
— Maldives National Defence Force (@MNDF_Official) May 15, 2021
އެމްއެންޑީއެފްއިން ބުނީ ތިނަދޫން ގެއްލުންވި 6 ގެޔަކަށް ވެލި ބަސްތާ ޖަހައިދީފައިވާ އިރު ޕަމްޕް ބަހައްޓައިގެން ފެން ހިންދުމުގެ މަސައްކަތް ކައުންސިލާއި، ފުލުހުން އަދި އާއްމުންނާއި އެކު ކުރަމުން އަންނަ ކަމަށެވެ.
#UPDATE:Raajje ah kuramundhaa visaaraagai GN.Fuvahmulakuge baeh gethakah fen vanumaai gulhigen MNDF Southern Area ge sifain dhanee eheetherikan foarukohdhemun. Mirey mihaathanah 12 geyehgai veli basthaa jahaadheefaivey. pic.twitter.com/0S1dEKw4Y9
— Maldives National Defence Force (@MNDF_Official) May 14, 2021
ވިއްސާރާގައި ފުވައްމުލަކުގެ ބައެއް ގެތަކަށް ފެން ވަދެފައިވާ އިރު ސިފައިން ދަނީ ފެންވަދެފައިވާ ގެތަކުގައި ވެެލި ބަސްތާ ޖަަހަމުންނެވެ. އެގޮތުން 12 ގެޔަކަށް މިހާތަނަށް ވެލި ބަސްތާ ޖަހާދީފައިވާކަމަށް އެމްއެންޑީއެފްއިން ވަނީ ބުނެފައެވެ.
މި ވިއްސާރާގައި އައްޑޫން އެންމެ ބޮޑަށް ފެންބޮޑުވެފައިވަނީ ފޭދޫގައެވެ. ފޭދޫގެ ދެ ސަރަހައްދެއްގައި ޕަމްޕް ބަހައްޓައި ފެން ހިންދުމުގެ މަސައްކަތް ކުރަމުން އަންނަ އިރު އައްޑޫގެ އެހެން އަވަށްތަކަށް ވެސް ސިފައިން އަންނަނީ އެހީތެރިވަމުންނެވެ.