ކޮވިޑު ޖެހިގެން ހއ. ދިއްދޫން މީހަކު މަރުވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ މިއަދު ހެނދުނު 8:45 ހާއިރު ދިއްދޫ ހޮސްޕިޓަލަށް ގެންދިޔަ 83 އަހަރުގެ އަންހެނަކު މަރުވެފައިވާ ކަމަށެވެ. އަދި އޭނާ މަރުވެފައިވަނީ ކޮވިޑު ބަލީގައި ކަމަށް އެޗްޕީއޭއިން ވަނީ ކަނޑައަޅާފައެވެ. މިއީ މި ބަލީގައި ރާއްޖެއިން މަރުވި 94 ވަނަ މީހާއެވެ. އަދި ފާއިތުވި 36 ގަޑިއިރު ތެރޭ މަރުވި 7 ވަނަ މީހާއެވެ.
ދުވާލެއްގެ މައްޗަށް ކޮވިޑުގައި މަރުވާ މީހުން އިތުރުވަމުން އަންނަ އިރު ހޮސްޕިޓަލް ތަކުގައި އެޑްމިޓުކޮށް ފަރުވާ ދެމުން އަންނަ މީހުންގެ އަދަދު މިވަނީ 259އަށް އަރާފައެވެ. މީގެ ތެރެއިން ބައެއް މީހުންނަށް ފަރުވާ ދެމުން އަންނަނީ އައިސީޔޫގައެވެ