އިންޑިއާގައި ކޮވިޑް ޖެހުނު މީހުންގެ އަދަދު 25 މިލިއަނަށް އަރައިފިއެވެ.
އިންޑިއާއަކީ ކޮވިޑަށް ޕޮޒިޓިވްވެފައިވާ މީހުންގެ އަދަދުގެ ގޮތުން ދުނިޔޭން ދެވަނައިގައިވާ ޤައުމެވެ. އެންމެ ގިނަ ޕޮޒިޓިވް ކޭސްތަކުގެ ރެކޯޑް އޮތީ އެމެރިކާގެ އަތުގައެވެ. ފާއިތުވި 24 ގަޑިއިރު ތެރޭގައި އިންޑިއާއިން 263,533 މީހުންވަނީ ކޮވިޑަށް ޕޮޒިޓިވް ވެފައެވެ. އަދި 4,329 މީހުން ވަނީ މިބަލީގައި ދުނިޔެ ދޫކޮށްފައެވެ.
އިންޑިއާގައި މިހާތަނަށް ކޮވިޑަށް ޕޮޒިޓިވް ވެފައިވާ މީހުންގެ އަދަދަކީ 25.23 މިލިއަނެވެ. އިންޑިއާގެ ހެލްތް މިނިސްޓްރީއިން މިއަދު ނެރެފައިވާ ތަފާސް ހިސާބުތަކަށް ބަލާއިރު މި ބަލީގައި 278,719 މީހުން ވަނީ މިހާތަނަށް މަރުވެފައެވެ.
އިންޑިއާގައި ކޮވިޑަށް ޓެސްޓް ކުރެވޭ މީހުންގެ އަދަދު މަދުވުމުގެ ސަބަބުން އެ ޤައުމުގައި އަސްލު މި ބަލި ޖެހިފައިވާ މީހުންގެ އަދަދު އެނގޭނޭ ގޮތެއް ނުވެއެވެ. އެކި ހިސާބުތަކުގައި މީހުން ގިނަ އަދަދަކަށް މަރުވުމުގެ ސަބަބުން މީހުން އެންދުމުގެ މަސައްކަތަށް ބޭނުންވާ ލަކުޑިވެސް މިހާރުވަނީ ލިބުން އުނދަގޫ ވެފައެވެ.