ކޯޓުގައި ހިނގަމުންދާ މައްސަލަތަކެއްގައި ކޯޓަށް ހާޒިރު ކުރުމަށް ބޭނުންވެ ހާޒިރުކުރެވިފައި އައްޑޫ ދެ މީހަކު ބަންދުގައި ބަހައްޓައިގެން ކޯޓަށް ހާޒިރުކޮށް ދިނުމަށް ފުލުހުންގެ މައްޗަށް ކޯޓުން އަމުރު ކުރުމާ ގުޅިގެން މި މީހުން ހޯދުމުގެ މަސައްކަތް ފުލުހުން ފަށައިފި އެވެ.
މި އަމުރުތަކުގެ ދަށުން ފުލުހުން ހޯދަމުން ދަނީ ސ. ހިތަދޫ، ދިލާވަރުގެ، އާމިރު ޙުސައިން، 31، އާއި އެ ރަށު ބޯށިމާގެ، އަޒުހަރު އަޙްމަދު، 38، އެވެ.
އާމިރުއަކީ ހިތަދޫ މެޖިސްޓްރޭޓް ކޯޓުގައި ހިނގަމުންދާ ޖިނާޢީ ދަޢުވާއަކަށް ކޯޓަށް ހާޒިރު ކުރަން ބޭނުންވެ ހާޒިރު ނުކުރެވިފައިވާ މީހެކެވެ.
އަދި އަޒުހަރަކީ ކްރިމިނަލް ކޯޓަށް ހުށަހެޅިފައިވާ މަނާކުރެވިފައިވާ މަސްތުވާ އެއްޗެއް ބޭނުން ކުރުމާއި، ބޭނުންކުރުމަށްޓަކައި އަތުގައި ބެހެއްޓުމާއި ބޭހުގެ ގޮތުގައި ބޭނުން ކުރެވޭ މަސްތުވާ އެއްޗެއް ބޭނުން ކުރުމާއި ބޭނުންކުރުމަށްޓަކައި އަތުގައި ބެހެއްޓުމުގެ ކުށުގެ މައްސަލަ އަށް ހާޒިރުކުރަން ބޭނުންވެ ހާޒިރު ނުކުރެވިފައިވާ މީހެކެވެ.