ސ. ހިތަދު އަށް އިއްޔެ ރޭ އިރާކޮޅުން ފެށިގެން ބޯކޮށް ވާރޭ ވެހި މަގުތަކުގައި ފެން ބޮޑުވެ، މީހުން ދިރިއުޅޭ ގެތަކަށް ފެން ވަނުމާ ގުޅިގެން ފެން ހިއްކުމުގެ މަސައްކަތުގައި އެމްއެންޑީއެފް ސަދަން އޭރިއިން އެހީތެރިކަން ފޯރުކޮށް ދީފި އެވެ.
އެމްއެންޑީއެފް ސަދަން އޭރިއާގެ ސިފައިން ވަނީ ފެން ވަދެފައިވާ ގެތަކުގައި ފެން ހިއްކުމާއި ވެލިބަސްތާތައް ޖެހުމުގެ މަސައްކަތް ކޮށްފައެވެ.
އެގޮތުން ރޭ ދަންވަރު 01:30 އިން ފެށިގެން ހިތަދޫގެ މުލިކެޑެ ސަރަޙައްދާއި މެދުވަލު ސަރަޙައްދުގައި ފެން ހިއްކުމުގެ މަސައްކަތް ވަނީ ކޮށްފަ އެވެ.
މިކުރެވުނު މަސައްކަތުގައި ފަސް ގެއެއްގައި ޕަމްޕު ޖައްސައިގެން ފެން ހިއްކުމުގެ މަސައްކަތްކޮށް އިތުރުން ތިން ގެއްގައި ފެން ނުވަންނާނޭހެން ވެލި ބަސްތާ ޖަހައި ދީފައިވެ އެވެ.
މި މަސައްކަތުގައި ރަށުގެ ރައްޔިތުންގެ ވަރަށް ބޮޑު އެއްބާރުލުމެއް ލިބުނު ކަމަށް ވެސް ސަދަން އޭރިއާ އިން ފާހަގަ ކުރެ އެވެ.