ރަމަޟާންމަހުގެ އެންމެ ފަހުދުވަސް ނިންމުމަށްފަހު ޢީދު ފާހަގަ ކުރުމަށް ގިނަ ބަޔަކު ތިބީ ޣައްޒާގެ ޝާތީ ރެފިއުޖީ ކޭމްޕްގައެވެ. 37 އަހަރުގެ މުހައްމަދު އަލް ހަދީދީ އޭނާގެ ހަތަރު ކުދިންނާއި އެވަގުތު ހުރީ އެތަނުގައި ހުރި އެކުދިންގެ ބޮޑުބޭބެގޭގައެވެ. އަވަދިނެތި އުޅުނީ ޢީދުގެ އުފާ ފާޅު ކުރުމުގައެވެ.
އެ ދުވަހު އެތަނުގެ ގިނަ އަދަދެއްްގެ މީހުން ވަނީ ޝަހީދުވެފައެވެ. "އަހަރެންގެ ކުދިން ތިބީ ޢީދު ހެދުން ލައިގެން އެ ކުދިންގެ ކުޅޭ އެއްޗެހި ހިފައިގެން ކުޅޭށެވެ. އީދުގެ ދެވަނަ ދުވަހު އެކުދިން ބޭނުންވީ ބޮޑުބޭބެގެ ކުދިންނާއެކު ކުޅެލާށެވެ." ހާދިސާ ހިނގިގޮތް އަލްޖަޒީރާއަށް ކިޔާދެމުން ހަދީދީ ބުނެފައިވެއެވެ. ހަދީދީ އެވަގުތު އުޅެމުން ދިޔައީ ކުދިންތިބި ގެއާއި ތަންކޮޅެއް ކައިރި އެހެން ގެއެއްގައެވެ. ހޮނިހިރު ދުވަހު އިޒްރޭލް މީހުން ދޭންފެށި ހަމަލާ ބާރު އިންތިހާއަށް ގަދަވި ކަމަށް ހަދީދީ ބުންޏެވެ. މުޅި ސަރަހައްދަށް އެނގުން ވެގެން ދިޔަ އެ ހަމަލާ އަމާޒު ވެގެންދިޔައީ އޭނާގެ ދަރިން ތިބި ސަރަހައްދަށެވެ.
ވެގެން އުޅޭ ގޮތެއް ބަލަން މަގުމައްޗަށް ނިކުންނަން ދިޔަ ވަގުތު އަވަށްޓެރިން އައިސް އޭނާގެ ބޮޑުބޭބޭގެ ގެއަށް އަމާޒުކޮށް ކަމަށް ހަމަލާ ދެވުނީ ބުނުމުން ހަދީދީއަށް ހުއްޓުން އެރިއެވެ. އޭނާގެ އަނބިމީހާ 36 އަހަރުގެ މާހާގެ އިތުރުން ހަދީދީގެ ދަރިން ކަމަށްވާ ޢަބްދުއްރަޙްމާން(8 އަހަރު)، ސުހައިބް(14 އަހަރު)، ޔަހްޔާ(11އަހަރު)، ވަނީ ޝަހީދުވެފައެވެ. ސަލާމަތްވީ ހަމައެކަނި އޭނާގެ 5 މަހުގެ ފިރިހެން ދަރިފުޅެވެ. އެ ދަރިފުޅު ނަގާފައިވަނީ އިމާރާތުގެ ދަށުގައި ތާށިވެފައި އޮއްވާ އެކުއްޖާގެ ޝަހީދުވެފައި އޮތް މަންމަގެ އަތުގެ ތެރެއިންނެވެ.
މި ހަމަލާގައި އޭނާގެ އަންހެނުންގެ ބޭބެ އާއި އޭނާގެ އަނބިމީހާ އަދި އެ ދެމަފިރިންގެ 3 ކުދިން ވެސް ވަނީ ޝަހީދުވެފައެވެ. މިއީ އެއްވެސް އިންސާނަކަށް ކެތްވާނެ ފަދަ ހާލަތެއް ނޫނެވެ. މިއީ މިއަދު ޣައްޒާގެ ރައްޔިތުން އުޅެން ޖެހިފައިވާ ގޮތެވެ.