އަންހެނުންނާއި ކުޑަކުދިންނަށް ކިތަންމެ އަނިޔާއެއް ކުރިޔަސް، ރޭޕް ކުރިޔަސް، އެ މުޑުދާރު ޢަމަލު ހިންގީ އެމްޑީޕީ އަށް ނިސްބަތްވާ މީހެއްނަމަ މި ސަރުކާރުގައި އެއްވެސް ފިޔަވަޅެއް ނާޅާނެ ކަމަށާއި، ދޭނީ ޙިމާޔަތް ކަމަށް މަޑުއްވަރީ ދާއިރާގެ މެމްބަރު އާދަމް ޝަރީފް ވިދާޅުވެއްޖެއެވެ.
އާދަމް ޝަރީފް ކުރެއްވި ޓްވީޓް އަމާޒު ކުރައްވާފައިވަނީ ކެނދިކުޅުދޫ ދާއިރާގެ މެމްބަރު އަހުމަދު އީސާ އޭނާގެ އަނބިމީހާއަށް އަނިޔާ ކޮށްގެން ފެންމަތިވެގެން އުޅޭ މައްސަލައަށް ކަމަށް ބެލެވެއެވެ.
Anhenunnah, kuda kudhinnah kithamme aniyaaeh kurias, rape kurias, emududhaaru amalu hingee MDP ah nisbaiyvaa meeheh nama misarukaarugai evves fiyavalheh naalhaane, dheynee himaayaiy. Anhenunge haqqugai baheh bunelaane MP ehves neiy! Gender Ministry ge dhauru kobaa?#Insaafukobaa?
— Adam Shareef Umar (@Adamshareefz) May 20, 2021
"އަންހެނުންނާއި ކުޑަކުދިންނަށް ކިތަންމެ އަނިޔާއެއް ކުރިޔަސް، ރޭޕް ކުރިޔަސް، އެ މުޑުދާރު ޢަމަލު ހިންގީ އެމްޑީޕީ އަށް ނިސްބަތްވާ މީހެއްނަމަ މި ސަރުކާރުގައި އެއްވެސް ފިޔަވަޅެއް ނާޅާނެ، ދޭނީ ހިމާޔަތް. އަންހެނުންގެ ހައްޤުގައި ބަހެއް ބުނެލާނެ އެމްޕީއެއް ވެސް ނެތް!ޖެންޑަރ މިނިސްޓްރީ ދައުރު ކޮބައިތޯ؟" އާދަމް ޝަރީފް ވިދާޅުވިއެވެ.
އާދަމް ޝަރީފްގެ ޓްވީޓްގައި ވަނީ އަންހެނުންގެ ހައްޤުގައި ބަހެއް ބުނެލާނެ އެމްޕީއެއް ވެސް ނެތްކަމަށް ވިދާޅުވެފައެވެ. އަދި ޖެންޑަރ މިނިސްޓްރީ ދައުރު ކޮބައިތޯ ވެސް ވަނީ ސުވާލު ކުރައްވާފައެވެ.
މި މައްސަލައިގެ ސަބަބުން ގިނަ ބަޔަކު ދަނީ އީސާ މަޤާމުން ވަކިކޮށް ހައްޔަރު ކުރަން ގޮވާލާފައެވެ. އަދި އީސާ އިޖުތިމާއީ ކޮމިޓީގެ މުގައްރިރު ކަމުން ވަކިކުރުމަށް އެ ކޮމިޓީގައި ހިމެނޭ މެމްބަރުން ވެސް ވަނީ ހުށަހަޅާފައެވެ.