ޒުވާން ދެ ތަރިން ކަމަށްވާ އަރުޖުން ކަޕޫރާއި ސޮނާކްޝީ ސިންހާ ފުރަތަމަ ފަހަރަށް ފިލްމަކަށް ސޮއިކޮށްފި އެވެ.
އެ ދެ ތަރިން ސޮއި ކުރި ފިލްމަކީ އަރުޖުންގެ ބައްޕަ ބޯނީ ކަޕޫރު ޕްރޮޑިއުސް ކުރާ މަޝްހޫރު ތެލެގޫ ފިލްމް "އޮއްކަޅޫ" ގެ ހިންދީ ރިމެކިން އެވެ.
މިއީ ރަންވީރު ސިންގު އާ އެކު ސޮނާކްޝީ ކުޅުނު "ލުޓޭރާ" އާއި ޑިސެމްބަރު 6 ގައި ރިލީޒްވާ، ޝާހިދު ކަޕޫރާ އެކު އޭނާ ކުޅުނު "އާރް…ރާޖްކުމާރް" އަށް ފަހު، ސޮނާކްޝީ އޭނާގެ އުމުރުގެ ތަރިއަކާ އެކު ކުޅޭ ތިން ވަނަ ފިލްމުކަން ފާހަގަކޮށްލެވެ އެވެ.
"އޮއްކަޅޫ" ގެ ހިންދީ ރިމެކިންގެ ޝޫޓިން އަންނަ ޖެނުއަރީ މަހު ފަށާ ގޮތަށް ވަނީ ހަމަޖައްސައިފަ އެވެ.
އަރުޖުންގެ ބޮޑު ބޭބެ އަދި ކުރީގެ އެކްޓަރު ސަންޖޭ ކަޕޫރު ކޯ-ޕްރޮޑިއުސް ކުރާ "އޮއްކަޅޫ" ގެ ހިންދީ ރިމެކިންގެ ޑައިރެކްޓަރަކީ ހިންދީ ފިލްމެއް އަލަށް ޑައިރެކްޓް ކުރާ އަމިތު ޝަރްމާ އެވެ.
ދާދި ފަހުން އޭނާ "ރިޔުނިއަން" ގެ ނަމުގައި ތައްޔާރު ކުރި ކުރު ފިލްމަކީ އިންޓަނެޓްގައި ވަރަށް ބާރަށް ހިނގަމުން އަންނަ ފިލްމެކެވެ.