އިޒްރޭލުން ފަލަސްތީނުގެ ޣައްޒާއަށް ދެމުންގެންދާ ހަމަލާތަކުގައި އާންމުން ދިރިއުޅޭ ގެއަކަށް ހަމަލާ އަމާޒުކޮށް އެ ގޭގައި ދިރިއުޅެމުންދިޔަ ނުކުޅެދުންތެރިކަން ހުރި ފިރިހެނަކާއި އޭނާގެ މާބަނޑު އަނބިމީހާއާއި ދަރިއަކު ޝަހީދުކޮށްލައިފިއެވެ.
33 އަހަރުގެ އިޔާދު ސަލްހާ އަދި އޭނާގެ އަނބިމީހާ 33 އަހަރުގެ އަމާނީ އާއި 3 އަހަރުގެ އަންހެން ދަރިފުޅު ނަޣަމް ޝަހީދު ކޮށްލާފައިވަނީ އެ އާއިލާ މެންދުރުގެ ކެއުމަށް ތައްޔާރުވަމުން ދަނިކޮށް މިސައިލެއް އައިސް އެމީހުންގެ ގެ ފޫއަޅުވާލާ 3 ކޮޓަރީގެ އެޕާޓްމެންޓް އެއްކޮށް ފަނާ ކޮށްފައި ކަމަށް އާއިލާގެ ފަރާތުން ބުނެއެވެ.
އިޔާދުގެ ބޭބެ އުމަރު ބުނެފައިވާ ގޮތުގައި އޭނާގެ ބޭބޭ އިޔާދު ނުހިނގި އޮންނަތާ މިހާރު 14 އަހަރު ވެފައިވާ ކަމަށް ބުނެފައެވެ. އަދި އޭނާގެ ބޭބެ އެއީ ހަތިޔާރު އެޅި މީހެއް ނޫންކަމަށް ވެސް ބުނެފައެވެ.
"އަހަރެންގެ ބޭބެ ކިއްތަކުރީ؟ އޭނާ އިނީ ފުރޮޅުލީ ގޮނޑިއެއްގައި އިށީނދެގެން. އޭނާގެ ދަރިފުޅު ކުރީ ކީއްތަ؟ އަދި އޭނާގެ އަނބިމީހާ ކުރީ ކީއްތަ؟ އެމީހުން ހަމައެކަނި ތައްޔާރުވަމުން ދިޔައީ މެންދުރުގެ ކެެއުމަށް އިންސާފު ކުރަން" އުމަރު ބުންޏެވެ.
ބުދަ ދުވަހުގެ ނިޔަލަށް އިޒްރޭލުން ދެމުންގެންދިޔަ ހަމަލާގައި ޝަހީދުވި ފަލަސްތީން މީހުންގެ އަދަދު ވަނީ 227 އަށް އަރާފައެވެ. އޭގެ ތެރޭގައި 64 ކުޑަކުދިން ހިމެނެއެވެ.