ސ. ފޭދޫ ލިންކް ރޯޑްގައި ހުރި "ހެބިޓެޓް މެގަ" ފިހާރަ މަރަދޫފޭދު އަށް ބަދަލުކޮށްފި އެވެ.
ފޭދޫ ލިންކް ރޯޑުގައި 2011 ވަނަ އަހަރު ހުޅުވި އެ ފިހާރަ، ބަދަލުކޮށްފައި ވަނީ މަރަދޫފޭދޫ "ކޮފީ ބެންޑް" ރެސްޓޯރެންޓް ކައިރީގައި ހުންނަ "ހޯމް އެކްސްޕްރެސް" ފިހާރަ އާ އިންވެގެން ހުރި އިމާރާތަށެވެ.
"ހެބިޓެޓް މެގަ" އަކީ ތަފާތު ބާވަތްތަކުގެ ވޯލްޕޭޕަރާއި ކާޕެޓާއި ޕާކެޓާއި ރަގާއި ގޭތެރެ އާއި އޮފީސް ފަދަ އިމާރާތްތަކުގެ އެތެރެ ޒީނަތްތެރި ކުރަން ބޭނުން ކުރާ ތަފާތު ބާވަތްތަކުގެ އުފެއްދުންތައް ވިއްކަމުން އަންނަ ފިހާރައެކެވެ.