ގެވެށި އަނިޔާ ހިންގީ ނިކަމެތި މީހެއްނަމަ އެމީހާ ވަރަށް ބާރު ސްޕީޑުގައި ޕާޓިއިން ވަކިކުރާނެ ކަމަށް ބެލެވޭ ކަމަށާއި އެހެން ނަމަވެސް މިހާރު މައްސަލަ ދަނީ ފިނިހަކަ ދުވެލީގައި ކަމަށް ދީނީ ޢިލްމުވެރިޔާ ޝެއިޚް އަލީ ޒައިދު ވިދާޅުވެއްޖެއެވެ.
ޝެއިޚް ޒައިދު ކުރެއްވި ޓްވީޓް އަމާޒު ކުރައްވާފައިވަނީ ގެވެށި އަނިޔާގެ ތުހުމަތު ކުރެވިފައިވާ ކެނދިކުޅުދޫ ދާއިރާގެ މެމްބަރު އަހުމަދު އީސަގެ މައްސަލައަށް ކަމަށް ބެލެވެއެވެ.
MDP eve!
9 vana burin kujjaku ellaalan ulhen (attempt to murder), anbimeeha ah aniyaa kurumuge jareemaa hingy Nikamethi dhah level ge meeheh nama mihaaru v baaru speed gai gos emeehu party in ves vaki kurees dhehtho eve!
Namaves mifaharu finihaka dhuveli dhehtho eve!
— Ali Zaid (@alizaid1000) May 20, 2021
"9 ވަނަ ބުރިން ކުއްޖަކު އެއްލާލަން އުޅެން (އެޓެމްޕްޓް ޓު މާޑާރ)، އަނބިމީހާއަށް، އަނިޔާ ކުރުމުގެ ޖަރީމާ ހިންގީ ނިކަމެތި ދަށް ލެވެލްގެ މީހެއްނަމަ މިހާރު ވަރަށް ބާރު ސްޕީޑްގައި ގޮސް އެމީހަކު ޕާޓީއިން ވެސް ވަކި ކުރީސް ދެއްތޯއެވެ! ނަމަވެސް މިފަހަރު ފިނިހަކަ ދުވެލި ދެއްތޯއެވެ!" ޝެއިޚް ޒައިދު ވިދާޅުވިއެވެ.
މެމްބަރު އީސާ އޭނާގެ އަނބިމީހާއަށް އަނިޔާ ކުރިކަމުގެ ތުހުމަތުގައި އީސަ ހައްޔަރުކުރަން ކޯޓު އަމުރަކަށް އެދުނީ ފުލުހުންގެ އެދުމުގެ މަތިން ޕްރޮސެކިއުޓަރ ޖެނެރަލްގެ އޮފީހުގެ ފަރާތުންނެވެ. ނަމަވެސް ކްރިމިނަލް ކޯޓުން ވަނީ އެފަދަ އަމުރެއް ނެރެދޭނެ ތަނެއް ނެތް ކަމަށް ކަނޑައަޅާފައެވެ.