ހުޅުމީދޫގައި ހިންގަމުންދާ ތިން ޕްރީ ސްކޫލް ކަަމަށްވާ މަކްތަބުލް އަސްރިއްޔާ، ނަސްރިއްޔާ ޕްރީސްކޫލް އަދި ޝަރީފީ ޕްރީ ސްކޫލްގެ ދަރިވަރުންގެ ގްރެޖްއޭޝަން ސެރަމަނީ ބާއްވައިފި އެވެ.
މި މަހުގެ 18 ވަނަ ދުވަހުގެ ރޭ ބޭއްވުނު މީދޫ ޝަރީފީ ޕްރީ ސްކޫލްގެ ގްރެޖުއޭޝަން ރަސްމިއްޔާތު ޝަރަފްވެރި ކޮށްދެއްވީ އައްޑޫ ޑިޕިއުޓީ މޭޔަރު ހަސަން ޝާހިދެވެ.
މި ރަސްމިއްޔާތުގައި މި އަހަރު ޝަރީފީ ޕްރީ ސްކޫލް ނިންމާ އަންނަ އަހަރު ޕްރައިމަރީ ސްކޫލާ ގުޅޭ ދަރިވަރުންނާއި ސެޓްފިކެޓް ހަވާލްކޮށް ދެއްވީ މިރަސްމިއްޔާތުގެ ޝަރަފްވެރި މެހުމާނު ހަސަން ޝާހިދު އާއި ބޭންކް އޮފް މޯލްޑިވްސް (ބީއެމްއެލް) ހުޅުމީދޫ ބްރާންޗްގެ މެނޭޖަރު އަބްދުﷲ ސޯލިހެވެ.
މި ރަސްމިއްޔާތުގައި ޝަރީޕީ ޕްރީ ސްކޫލުން ގްރެޖްއޭޓްވި ދަރިވަރުންގެ ތެރެއިން އައްމާފޮތް ހިތުދަސްކޮށްފައިވާ ހަތަރު ދަރިވަރަކަށް މީދޫ ޝަމްސުއްދީން ފޯ އިސްލާމިކް ސްޓަޑީޒްގެ ފަރާތުން ދެއްވާފައިވާ ފައިސާގެ އިނާމު އެ ދަރިވަރުންނާއި ހަވާލްކޮށް ދެއްވީ ސޯލިހެވެ.
* ނަސްރިއްޔާ ޕްރީ ސްކޫލް:
މި މަހުގެ 19 ވަނަ ބޭއްވުނު ހުޅުދޫ ނަސްރިއްޔާ ޕްރީ ސްކޫލްގެ ގްރެޖުއޭޝަން ރަސްމިއްޔާތު ޝަރަފްވެރިކޮށް ދެއްވީ ވެސް ބޭންކް ސޯލިހެވެ.
މި ރަސްމިއްޔާތުގައި މި އަހަރު ނަސްރިއްޔާ ޕްރީ ސްކޫލް ނިންމާ އަންނަ އަހަރު ޕްރައިމަރީ ސްކޫލާއިގުޅޭ ދަރިވަރުންނާއި ސެޓްފިކެޓް ހަވާލްކޮށް ދެއްވީ މި ރަސްމިއްޔާތުގެ ޝަރަފްވެރި ސޯލިހެވެ.
މީގެ އިތުރަށް މިއަހަރު ނަސްރިއްޔާ ޕްރީ ސްކޫލް ނިންމާ އަންނަ އަހަރު ޕްރައިމަރީ ސްކޫލާއިގުޅޭ ދަރިވަރުންގެ ފައިލްތައް އެ ދަރިވަރުންނާއި ހަވާލްކޮށް ދެއްވީ ރާއްޖޭގެ ގައުމީ ފުޓްބޯޅަ ޓީމުގެ ކުރީގެ ކެޕްޓަން އައްސަދު އަބްދުލް ޣަނީ އެވެ.
މި ރަސްމިއްޔާތުގައި ނަސްރިއްޔާ ޕްރީ ސްކޫލަށް ރީތި ނަން ހޯދާ ދީފައިވާ ސ. ހުޅުދޫ މާކަރީލައިޓް މަރިޔަމް އާނާ ޝާނީޒަށް ސްކޫލްގެ ފަރާތުން ހުށަހަޅުއްވާފައިވާ ޚާއްސަ އިނާމު އާނާއާއި ހަވާލްކޮށްދެއްވީ ސ. އަތޮޅު މަދަރުސާގެ ހެޑްމާސްޓަރު ސިއްދީގެވެ.
* އަސްރިއްޔާ ޕްރީ ސްކޫލް:
މީދޫގައި ހިންގަމުންދާ އަސްރިއްޔާ ޕްރީ ސްކޫލް ނިންމާ އަންނަ އަހަރު ޕްރައިމަރީ ސްކޫލަށް ބަދަލުވާ ކުދީންނަށް ސެޓްފިކެޓް ދިނުމުގެ ރަސްމިއްޔާތު ރޭ އެސްކޫލްގައި ބޭއްވިފައިވެ އެވެ.
މި ރަސްމިއްޔާތުގައި މިއަހަރު އަސްރިއްޔާ ޕްރީ ސްކޫލް ނިންމާ އަންނަ އަހަރު ޕްރައިމަރީ ސްކޫލަށް ބަދުވާ ދަރިވަރުންނަށް ސެޓްފިކެޓް ހަވާލްކޮށް ދެއްވީ މި ރަސްމިއްޔާތުގެ ޝަރަފްވެރި މެހުމާނު ސ. އަތޮޅުމަދުސާގެ ޕްރިންސިޕަލް ޒީނިއާ ޖަމާލެވެ.
މި ރަސްމިއްޔާތުގައި މީދޫ ޝަމްސުއްދީން ސްކޫލްގެ ޕްރިންސިޕަލް އިބްރާހިމް ވަހީދު ވެސް ބައިވެރިވެޑައިގެންފައިވެ އެވެ.
މި ރަސްމިއްޔާތުގައި ޝަރަފްވެރި މެހެމާނު ދެއްކެވި ވާހަކާފުޅުގައި ދަރިވަރުގެ އުމުރުގެ ވަކި ހިސާބަކުން އެ ދަރިވަރު ދޫކޮށް ނުލުމަށް ބެލެނިވެރިންނަށް ނަސޭހަތްތެރިވެލެއްވި އެވެ.
އަދި މީގެ އިތުރަށް ސްކޫލްތަކުގައި ތައުލީމު ހޯދަމުންދާ ދަރިވަރުންގެ ތެރެއިން އަންހެން ދަރިވަރުންނަށްވުރެ ފިރިހެން ދަރިވަރުންގެ ނަތީޖާ އެކަށީގެންވާ ވަރަށްވުރެ ދަށްކަމަށް ފެންނަމުންދާތީ އެކަމާދޭތެރޭ ބެލެނިވެރީން ފުންކޮށް ވިސްނުމަށް ފަހު އެކަންތައްތައް ރަނގަޅު ކުރުވުމަށް ކުރެވެންހުރި މަސައްކަތްތައް ކޮށްދެއްވުމަށް ބެލެނިވެރީންގެ ކިބައިން ޒީނިޔާ އެދި ވަޑައިގެންފައިވެ އެވެ.
އަދި މީގެ އިތުރަށް ކުޑަކުދީން ކާޓޫން ބެލުމުގައި މިހާރު އެންމެ ބޮޑަށް ޝައުގުވެރިކަމާއެކު ބަލަމުންދަނީ "އޮގީ" ނަމަކަށް ކިޔާ ކާޓޫނު ޕްރޮގްރާމެއް ކަމަށާއި މި އޮގީއަކީ ކުޑަކުދީން ބެލުމަށް އެހާރަގަޅު ކާޓޫނ ޕްރޮގްރާމެއް ނޫން ކަމަށް ވެސް ޒީނިޔާ ވިދާޅުވި އެވެ.
މި ރަސް މިއްޔާތުގައ އިތުރަށް ވާހަކަ ފުޅުދައްކަވަމުން ޒީނިއާ ވިދާޅުވީ އަޅުގަޑުމެންގެ ތެރެއިން ބައެއް ބެލނިވެރީން ގޭތެރޭގެ މަސައްކަތްތައް ހުންނަ ގޮތުން ކުޑަކުދީން ކާޓޫން ބެލުމަށާ ގޭމް ކުޅުމަށް ދޫކޮށްލުމަށް ފަހު ގޭތެރޭގެ ނުވަތަ އެހެން މަސައްކަތްތަކުގައި މަޝްއޫލުވެގެން އުޅެމުންދާކަން ފާހަގަކުރައްވާ ވާހަކަފުޅު ދައްކަވަމުން ވިދާޅުވީ ކުޑަކުދީން ގިނައިރު ގޭމް ކުޅުމަށާއި ކާޓޫން ބެލުމަށް ދޫކޮށްލާފައި ބެއިތިއްބުމަކީ ރަނގަޅު ކަމެއް ނޫން ކަމަށް ވެސް ވިދާޅުވި އެވެ.